सुरुङ्गा (झापा)१२ वैशाख । झापाको डोमालाल राजबंशी रंगशालामा भइरहेको राष्ट्रिय लिग फुटबल प्रतियोगिता अन्तरगत आज भएको खेलमा झापा ११ विजयी बन्दै प्रतियोगिताको पुनः शीर्ष स्थानमा उक्लिएको छ ।
घरेलु मैदानमा भएको प्रतियोगितामा मोरङ फुटबल क्लवलाई ५– १ को फराकिलो गोल अन्र्तरलेपछि पार्दै झापा ११ पुनः शीर्ष स्थानमा उक्लिएको हो । विजयी टिमका लागि जर्सी नम्वर १२ का दिनेश कार्की र योगेश लिम्बूले २÷२ गोल गरेका थिए भने कर्ण लिम्वूले एक गोल गर्दै खेललाई पुनः शीर्ष स्थानमा पु¥याए ।
उता मोरङका टेकवहादुर लिम्बूले खेल शुरु भएको २५ औं मिनेटमा पहिलो गोल गरेपनि अर्काे गोल गर्न नसक्दा मोरङ फुटवल क्लव एक गोलमा नै सिमित बन्न पुग्यो । लिगमा झापा ११ र मोरङ फूटवल क्लव पहिलो पटक आमने सामने भएका थिए ।
१३ अंकका साथ दोस्रो स्थानमा रहेको झापा ११ विजयी भएसंगै अहिले १६ अंकका साथ शीर्ष स्थानमा पुगेको हो । यता मोरङ ४ अंकका साथ आठौं स्थानमा सिमित बनेको छ ।
गत फागुन ९ गते सशस्त्र प्रहरी बल एपीएफले झापा ११ लाई १ – ० को गोल अन्तरले पराजित गर्दै शीर्ष स्थानमा पुगेको थियो । झापा ११ लाई हराउदै विजयी बनेको एपीएफ अहिले १४ अंकमा सिमित बनेको छ ।
0 comments:
Post a Comment