जिल्ला प्रहरीको नाममा सर्वसाधारणबाट रकम उठाउने पक्राऊ

सुरुङ्गा(झापा) २४ कात्तिक । आफूलाई प्रहरीको घुमुवा भएको बताउदै जिल्ला प्रहरी कार्यालय झापाको नाममा सर्व साधारणबाट रकम उठाउएको आरोपमा झापामा मंगलवार एक व्यक्ति पक्राउ परेका छन् ।
 पक्राउ पर्नेमा चकचकी – १ निवासी २८ वर्षीय जाफर आलम रहेको जिल्ला प्रहरी कार्यालय झापाका प्रहरी उपरीक्षक शैलेश थापा क्षेत्रीले जानकारी दिनुभयो । उनलाई प्रहरीको विशेष टोलीले राजगढबाट पक्राउ बताइएको छ ।
जिल्ला प्रहरी कार्यालय झापालाई मासिक ५० हजार रुपैयाँ बुझाउनु पर्ने भन्दैै आलमले सर्वसाधारणबाट रकम असुल्ने गरेको पाइएपछि उनलाई पक्राउ गरिएको प्रहरी उपरीक्षक क्षेत्रीले बताउनुभयो ।
पक्राउ परेका क्षेत्रीलाई जिल्ला प्रहरी कार्यालय झापामा राखेर अनुसन्धान भइरहेको र केही सार्वजनिक अपराध ऐन अन्र्तगत मुद्दा चलाउने तयारी भइरहेको प्रहरी उपरीक्षक क्षेत्रीको भनाई छ । (सुरेन्द्र भण्डारी–रासस)

बाँकी यता >>>

अनारमनी पब्लिक क्याम्पसमा मल्टिमिडीयाबाट पढाई

सुरुङ्गा(झापा) २३ कात्तिक । झापाको बिर्तामोड नगरपालिका–९ मा रहेको अनारमनी पब्लिक क्याम्पसका बिद्यार्थीले अब कम्प्यूटर मल्टिमिडिया (प्रोजेक्टर) मार्फत अध्ययन गर्न पाउने भएका छन् ।
 झापा बिर्तामोडका ५ दाताले विद्यालयलाई चार थान कम्प्यूटर र एक थान प्रोजेक्टर प्रदान गरेसंगै त्यहाँका  विद्यार्थीले अब कम्प्यूटर मल्टिमिडियाबाट अध्ययन गर्न पाउने भएका हुन् । बिर्तामोड निवासी युवा व्यवसायी प्रकाश शिवाकोटी, दीपेश पाठक, सामाजिक व्यक्तित्व संगीता प्रसाई, रमिता प्रसाईले एक–  एक थान कम्प्यूटर र सुवास श्रेष्ठले एक थान प्रोजेक्टर प्रदान गरेसंगै त्यहाँ उच्च शिक्षा अध्ययनरत विद्यार्थीले कम्प्यूटर मल्टिमिडिया प्रविधिबाट अध्ययन गर्न पाउने भएका हुन् ।

                                                                    

सोमवार क्याम्पसमा आयोजित एक समारोहकाबीच दाताले उक्त क्याम्पसलाई कम्प्यूटर र प्रोजेक्टर हस्तान्तरण गरेका थिए । उनीहरुले क्याक्पस व्यवस्थापन सञ्चालन समिति अध्यक्ष राजकुमार पोखरेललाई सो सामग्री हस्तान्तरण गरेका थिए । सांसद सुधीरकुमार शिवाकोटीको प्रमुख आतिथ्यमा भएको कार्यक्रममा दाताले क्याम्पसको शैक्षिक गुणस्तर अभिवृद्धि कायम गर्न थप सहयोग गर्ने समेत बताएका थिए । उनीहरुले आफूहरुले दिएको कम्प्यूटर र प्रोजेक्टरले विद्यार्थीले उत्साहित भएर सदुपयोग गर्न सकेभने अझ सहयोगका लागि हामी तत्पर छौं भने ।
२०६४ सालमा स्थापन भएको सो क्याम्पसमा अहिले १२२ जना विद्यार्थीले वीवीएस अध्ययन गरिरहेका छन् । जसमध्ये २१ जना विद्यार्थी पूर्ण रुपमा छात्रवृति पाएर अध्ययन गरिरहेको क्याम्पस प्रमुख मोहन शिवाकोटीले बताउनुभयो । विगत सात वर्षदेखि त्रिभूवन विश्व विद्यालयको भन्दा उत्कृष्ठ नतिजा ल्याउदै आएको उक्त क्याम्पसले हरेक वर्ष ४८ प्रतिशतसम्म जतिजा निकाल्न सफल भएको क्याम्पस प्रमुख शिवाकोटीले बताउनुभयो ।
कार्यक्रममा बोल्दै सांसद सुधीरकुमार शिवाकोटीले लामो संर्घषपछि यस क्षेत्रमा पब्लिक क्याम्पसको स्थापना भएको र यसलाई अझ व्यवस्थित र शैंक्षिक हबका रुपमा विकास गरेर लान सांसद विकास कोष र क्षेत्र विकास कोषबाट प्राप्त हुने रकम मध्ये केही रकम सहयोग गर्ने बताएका थिए । उनले तत्काल विद्यालयलाई थप शैक्षिक सामग्री र कम्प्यूटर हस्तान्तरण गर्ने उद्घोष गरे ।
त्यस्तै क्याम्पसका सल्लाहकार समिति संयोजक हर्कलाल गिरीले सवैको सहयोगबाट क्याम्पसको स्थापना भएको र सञ्चालानार्थपनि दाताको सहयोग उत्तिकै रहने बताए । उनले दाताले दिएको सहयोगको उपयोग सही तरिकाले गर्न सके यस क्षेत्रमा दाताको कमी नरहेको उल्लेख गर्दै आगामी दिनमा क्याम्पसलाई थप व्यवस्थित गर्दै लैजानु पर्ने धारणा राखे । पत्रकार महासंघका केन्द्रीय महासचिव चन्द्र भण्डारीले क्याम्पसको दीगो श्रोतका रुपमा कुनै नयाँ कामको थालनी गर्नु पर्ने र यस क्याम्पसलाई झापाकै नमूना क्याम्पसको रुपमा विकास गर्नु पर्ने सुझाए ।
यसैगरी  क्याम्पस व्यवस्थाप समिति अध्यक्ष ंपोखरेलले ८० लाखको हाराहारीमा क्याम्पसको भौतिक संरचना तयार पारिएको र दाताकै सहयोगले क्याम्पसको स्तरोत्तिको काम भइरहेको बताए ।  सबै विद्यार्थीलाई निःशुल्क शिक्षा आर्जन गराउने हाम्रो लक्ष्य हो उनले भने–गुणस्तरीय शिक्षाका लागि यो क्याम्पस अब्बल छ हामी यहाँ पढ्ने सवै विद्यार्थीलाई निःशुल्क पढाउने प्रयत्न गरिरहेका छौं ।

बाँकी यता >>>

कमिसनखान विरामी भारत रेफर

सुरुङ्गा(झापा) २३ कात्तिक । झापाका केही चिकित्सकले विरामीलाई भारत ‘रेफर’गरी कमिसन मोटो कमिसन लिने गरेको थप रहस्य उजागर भएको छ ।

झापाका चिकित्सक लक्ष्मी मैनालीले विरामीलाई भारतको सिलगढीस्थित जुपिटर एमआरआई सेन्टरमा पठाएर कमिसन लिने गरेको पाइएपछि यस्तो  रहस्य सार्वजनिक  भएको हो । हाड जोर्नी तथा नशारोग विशेषज्ञ डां मैनालीले आफूसंग चिकित्सकीय परामर्श लिन आएका विरामीलाई चेकजाँचका नाममा भारत रेफर गरी मोटो रकम कमिसनको रुपमा अशुल्दै आएका छन् । उनले भारतीय अस्पतालबाट २० प्रतिशतसम्म कमिसन लिने गरेकाछन् ।

झापाका विभिन्न फार्मेसी तथा मेडिकल हलमा घुम्तीसेवा प्रदान गर्दै आएका डा मैनालीले धुलावारीस्थित किरण मेडिकल हलमा स्वास्थ्योपचारका लागि आएका काँकरभिट्टाका ५३ वर्षीय लीलानाथ आङ्दाम्वेलाई सिटी स्क्यान र एमआरआईका लागि भन्दै  सिलगुढीस्थित जुपिटर एमआरआई सेन्टरमा पठाएको पाइएको छ । उनले चिकित्सक आचार संहिता विपरित किरण मेडिकल हलको नामको लेटरप्याडमा जुपिटर एमआरआई सेन्टरको नाम नै तोकेर विरामीलाई रेफर गर्दै आएको पाईको हो ।

चिकित्सक आचार संहिता वमोजिम कुनै पनि चिकित्सकले प्रेसक्रिप्सनमा स्वास्थ्य संस्थाको नाम तोकेर विरामीलाई रेफर गर्न नपाइएने प्रावधान रहेको छ । तर, डा. मैनालीले आचार संहिताको उल्लङ्घन गर्दै खुलेआम विरामीलाई भारत रेफर गर्दै आएका छन् ।

हुन त यस अघिपनि झापाका केही चिकित्सकले उपचारका नाममा विरामीलाई भारत रेफर गरी भारतीय अस्पताल तथा डाइग्नोष्टिक सेन्टर  र सिटीस्क्यान सेन्टरबाट ४० प्रतिशतसम्म  खादै आएको समाचार सार्वजनिक भएको थियो । यस अघि बिर्तामोडको  एक अस्पताल कार्यरत अर्थाेपेडिक डाक्टर आनन्दराज खनालले भारतीय अस्पतालबाट २० प्रतिशतसम्म कमिसन लिने गरेको खुलासा गरेका थिए । तर, उपचारका नाममा भारत रेफर गरी चिकित्सकले कमिसन लिने गरेको कुरा आचार संहिता विपरित भएको  चिकित्सक संघ मेचीका अध्यक्ष तथा मेची अञ्चल अस्पताल भद्रपुरका मेडिकल सुपरिटेन्डेन्ट डा पिताम्वर ठाकुरले बताए । उनले नेपालका सुविधा सम्पन्न अस्पतामा रेफर गर्ने अधिकर भएपनि स्थानीयस्तरमै उक्त सुविधा उपलव्ध भएको अवस्थामा भारतीय अस्पतालमा रेफर गर्न नपाइने बताए ।

 चिकित्सक आचार संहिता अनुसार भारत रेफर गरी कमिसन खादै आएका मैनालीले आफूले विरामीको नाकारीका लागि प्रेसक्रिप्सनमा नै सिटी स्क्यान सेन्टरको नाम उल्लेख गर्ने गरेको बताए । उनले भने –केही डाक्टरहरुले भारतका अस्पतालबाट कमिसन खाने गरेपनि मैले त्यस्का लागि नभई विरामीको सुविधाका लागि भारत रेफर गरेको हुँ ।

उनले झापाका केही चिकित्सकले सिलगुडिका विभिन्न अस्पतालबाट कमिसन लिदै आएको स्विकार गरे । यता श्रोतका अनुसार डा मैनालीले नेपाली मुलका डाक्टर सिद्धीराज शर्माले सञ्चालन गरेको उक्त जुपिटर एमआरआई सेन्टरबाट २० देखि २५ प्रतिशत सम्म कमिसन लिदै आएको जनाएको छ । उनले उपचारका लागि आएका विरामीलाई नेपालकै विभिन्न अस्पतालमा उपलब्ध भएका अत्याधुनिक प्रविधिको सेवाका लागि समेत भारत रेफर गर्दै आएका छन् । तर, यस अघि कमिसन लिदै आएका चिकित्सकलाई अहिलेसम्म मेडिकल काउन्सिलले कारवाही नगरेकाले सम्मानित पेशामा समेत कमाउधन्दाले प्रश्रय पाएको सरोकारवालाको वुझाई छ ।

भारत रेफर गर्न मिल्दैन 

नेपाल मेडिकल काउन्सिलका अध्यक्ष धर्मकान्त वास्कोटाले चिकित्सककले नेपाल वाहिर विरामीलाई रेफर गर्न नमिल्ने बताएका छन् । नेपालमा नै सेवा सुविधा छ भने त्यस्तो अवस्थामा कुनै पनि विरामीलाई भारत लगायतका अन्य देशमा रेफर गर्न नहुने बताए ।

उनले पछिल्लो समय झापामा त्यस्ता  गतिविधि भइरहेको उजुरी परेकाले तत्काल छानविन गरी कारवाही अघि बढाएने बताए । त्यसका लागि छानविन  टोली नै तयार पारेको उनको भनाई छ । 

बाँकी यता >>>

जग्गा प्लटिङका कारण उत्पादन घटेकोप्रति मन्त्रीको चिन्ता

सुरुङ्गा (झापा), कात्तिक  २३ गते । सूचना तथा सञ्चारमन्त्री सुरेन्द्रकुमार कार्कीले अन्नको उर्वर भूमिका रुपमा चिनिएको झापा र देशका अन्य भू–भागमा पनि पछिल्लो समयमा जग्गा प्लटिङले अन्न उत्पादनमा प्रभाव परेकोप्रति चिन्ता व्यक्त गर्नुभएको छ ।

माओवादी केन्द्र निकट व्यवसायीको सङ्गठन नेपाल राष्ट्रिय उद्योग व्यापार सङ्गठनको प्रथम झापा जिल्ला भेलालाई आज सम्बोधन गर्दै उहाँले यस्तो कार्य रोक्न जग्गाको वर्गीकरण गर्नुपर्ने बताउनुभयो ।

उहाँले आफूले यस विषयमा सदनमा समेत कुरा उठाएको बताउँदै जमिन, जङ्गल, उद्योग तथा आवास निर्माणका लागि जमिनलाई वर्गीकरण गर्नुपर्ने र वर्गीकरणअनुसारकै कार्यसम्पादन हुनुपर्नेमा जोड दिनुभयो ।

मन्त्री कार्कीले कृषिपछि देशलाई समृद्ध बनाउन उद्योग व्यवसायको मुख्य भूमिका रहने हुँदा व्यवसायीलाई एकजुट हुनसमेत आग्रह गर्नुभयो ।

व्यापारलाई पनि समयअनुसार परिवर्तन गर्दै लैजानु पर्नेमा उहाँको जोड थियो । मन्त्री कार्कीले भन्नुभयो – “उत्पादित वस्तुलाई प्रशोधन गरेरमात्र बजार पु¥याउँदा त्यसको बजार सुरक्षित हुन्छ र मूल्य पनि राम्रो हुन्छ ।”

उहाँले नेपालीले योजनाबिना नै व्यापार गर्ने भएका कारण व्यापार घाटामा जाने गरेको बताउनुभयो । रासस

बाँकी यता >>>

झापामा पन्ध्रवटा स्थानीय तह हुने

सुरुङ्गा (झापा), कात्तिक २३ गते । झापा जिल्लामा १५ वटा स्थानीय तह हुने भएको छ । जिल्ला विकास समिति कार्यालयमा  बसेको सर्वदलीय बैठकले स्थानीय तहको पुनसंरचनाको टुङ्गो लगाएको हो । जनसङ्ख्या र भौगोलिक आधारमा पुनसंरचनाको निर्णय गरिएको स्थानीय विकास अधिकारी खेमराज ओझाले बताउनुभयो । स्थानीय तह पुनःसंरचना आयोग प्राविधिक सहयोग समितिका संयोजक समेत रहनुभएका उहाँका अनुसार झापामा आठ नगरपालिका र सात गाउँपालिका हुने भएको छ ।

उहाँका अनुसार मेचीनगरमा बाहुनडाँगी, धाइजन, दुहागढी र ज्यामीरगढी गाविस गाभेर मेचीनगर नगरपालिका बनाइएको छ ।

शान्तिनगर र बुधबारे गाविसलाई बुद्धशान्ति गाउँपालिका, खुदुनाबारी गाविसलाई शनिअर्जुन नगरपालिकामा गाभ्ने, बिर्तामोड नगरपालिकामा गरामनी गाविस गाभ्ने, भद्रपुर नगरपालिकामा पृथ्वीनगर गाविस गाभ्ने, पाठामारी, बनियानी, वालुवाडी, पथरीया, केचना र घेराबारीलाई कचनकवल गाउँपालिका बनाउने, हल्दिबारी, जलथल र गोलधापलाई हल्दिबारी गाउँपालिका बनाउने, राजगढ, चकचकी र डाँगीबारीलाई बाह्रदशी गाउँपालिका बनाउने निर्णय गरेको छ ।

त्यस्त,ै कुमरखोद, टागनडुब्बा र शरणामति गाविसलाई झापा गाउँपालिका बनाउने, धरमपुर, पाँचगाछीलाई शिवसताक्षी नगरपालिकामा गाभ्ने, गौरीगञ्ज, खजुरगाछी, माहाभारा र कोरोबारीलाई गौरीगञ्ज गाउँपालिका बनाउने, बैगुनधुरा गाविसलाई गौरादह नगरपालिकामा गाभ्ने, लखनपुर र तोपगाछीलाई कमल गाउँपालिका बनाउने र दमक नगरपालिकालाई साविककै नगरपालिका बनाउने र डाँगीबारी वडा नं ४, शिवसताक्षी वडा नं ५ र ९ लाई कनकाई नगरपालिकामा गाभ्ने निर्णय प्रविधिक समितिले गरेकोे छ । रासस

बाँकी यता >>>

राजगढमा प्रहरी विट निर्माण

राजगढ, कात्तिक २१ ।  युवासंघ नेपाल राजगढ गाउँ कमिटीले हुलाकी राजमार्ग अन्र्तगत राजवंशी चौकमा प्रहरी विट निर्माण गरेको छ ।

शान्ति सुरक्षा कायम राख्न प्रहरीलाई सहज होस् भन्ने उद्देश्यले युवासंघ नेपाल राजगढले प्रहरी विट निर्माण गरेको युव संघ राजगढका इन्चार्ज विरेन्द्र प्रसाद राजवंशीले बताउनुभयो । निर्माण गरिएको प्रहरी विट इलाका प्रहरी कार्यालय राजगढका प्रमुख भरत केशीलाई एक कार्यक्रमकाबीच हस्तान्तरण गरिएको छ ।

प्रहरी विट हस्तान्तरण समारोहमा संघका जिल्ला सदस्य मयद मिश्र, क्षेत्रीय सदस्य मानवहादुर राजवंशी, गाउँ कमिटी अध्यक्ष जय आचार्य, गाउँ कमिटी सचिव शम्भू राजवंशी लगायतले शान्ति सुरक्षार्थ खटिएका प्रहरीलाई सहजहोस् भन्ने उद्देश्यले विट निर्माण गर्नु आफैंमा राम्रो कुरा भएको बताएका थिए ।

यता इलाका इन्चार्ज केशीले वितको चावी ग्रहण गर्दै शान्ति सुव्यवस्था कायम राख्न आफू अलिकतिपनि पछि नहट्ने बताउनुभएको थियो ।

बाँकी यता >>>

गरीबको उपचारका लागि सहाराले ल्यायो दश करोडको ‘संकल्प अभियान’

सुरुङ्गा (झापा), २१ कात्तिक । झापाको बिर्तामोड नगरपालिका – १ स्थित चारपानेमा रहेको सहारा नेपाल वचत तथा ऋण सहकारी संस्थाले आर्थिक विपन्नता भएका परिवारको उपचारका लागि १० करोड रुपैयाँको सङ्कल्प अभियान सञ्चालनमा ल्याउने भएको छ ।

गरीब तथा विपन्न परिवारका व्यक्तिलाई कुनै पनि रोगबाट बचाउन उनीहरुको उपचारका लागि झापा जिल्ला स्तरीय १० करोड रुपैयाँको कोष खडा गर्ने गरी ‘संकल्प अभियान’को यहाँ घोषणा गरिएको हो ।


समर्पण राष्ट्रिय अभियान सफलताका साथ सम्पन्न गरिसकेको सहारा नेपाल बचत तथा ऋण सहकारी संस्थाले पुनः आफ्नै अगुवाइमा ‘संकल्प अभियान’ घोषणा गरेको हो ।

सहारा मुख्य आयोजक रहेर झापाका ६८ सामाजिक संस्थाको साझेदारीमा समर्पण अभियान सफल बनाइएको थियो । सोही अभियानको निरन्तरताको रुपमा नयाँ सोचका साथ संकल्प अभियान शुरु गर्न लागिएको सहारा नेपाल साकोसका सचिव तथा प्रमुख कार्यकारी अधिकृत महेन्द्रकुमार गिरीले घोषणा समारोहमा बताउनुभयो ।
‘अहिले गरीब तथा विपन्न व्यक्तिहरुलाई स्वास्थ्य सेवा महँगो भएको छ’ – गिरीले भन्नुभयो– ‘तिमीहरुलाई ठूला प्रकारका रोगहरु लागेमा चन्दा संकलन गर्ने उपचार गर्नुपर्ने बाध्यता छ । अतः त्यस्ता मानिसहरुलाई अकाल मृत्युबाट बचाउन र उपचारका सहयोग पु¥याउने उद्देश्यले १० करोड रुपैयाको झापा जिल्ला स्तरीय कोषका लागि रकम संकलन गरी संकल्प अभियान सञ्चालन गरिने छ ।’

उक्त कार्यका लागि सहारा नेपाल साकोसले एक करोड रुपैयाँ जम्मा गर्ने घोषणा गरेको छ । अन्य रकम इच्छुक सामाजिक व्यक्ति, संघ–संस्था, स्थानीय निकाय र अस्पतालबाट जुटाइने गिरीको भनाई छ ।
यसरी जम्मा भएको कोषको रकमको ब्याजबाट गरीब परिवारका मानिसलाई उपचारका लागि सहयोग गरिने सहारा नेपाल साकोसका अध्यक्ष ताराप्रसाद सञ्जेलले बताउनुभयो ।

बाँकी यता >>>

‘राधा’ चलचित्रमा देखापर्ने झापा बुधबारेका टंकनाथ

जुवा खेल्दाखेल्दै पैसा सकिएपछि आफ्नै छोरीलाई पनि दाउमा राखेर नामुद जुवाडेको भूमिकामा ‘राधा’ चलचित्रमा देखापर्ने झापा बुधबारेका टंकनाथ काफ्ले ९विकल्प० अभिनयमा पोख्त छन् । २०१८ साल साउन २९ गते आइतबार पाँचथरको सुभाङमा जन्मिएका उनी झापाका चर्चित नाट्यकर्मीका रुपमा स्थापित कलाकार रंगमञ्चमा नाटक प्रदर्शन गरेरै आफूलाई टंकनाथ काफ्लेबाट टंक विकल्पको रुपमा चिनाए । रेडियो नाटक, स्टेज र सडक नाटक गरी उनले अहिलेसम्म पाँच सयभन्दा बढी नाटकमा निर्देशन गरिसकेका छन् भने ठूलो पर्दाको चलचित्र ‘सडक’, ‘आफ्नो विरानो’, ‘वरपिपल’, ‘देश खोज्दै जाँदा’ र ‘राधा’मा पनि उत्कृष्ट अभियन गरेर चर्चाको शिखरमा छन् ।
जिल्ला जनस्वास्थ्य कार्यालय झापाले तयार पारेको परिवार नियोजन सम्बन्धी डकुमेन्ट्रीमा पनि उनको उस्तै भूमिका छ । सानो पर्दाका दुईवटा डकुमेन्ट्री उनैले निर्देशन गरेका छन् । बाल्यकालदेखि अभिनयमा रुची राख्ने उनले रंगमञ्चमा सडक नाटक एक सयभन्दा धेरै ठाउँमा देखाइसकेका छन् । रेडियो नाटक तीन सयभन्दा बढी उत्पादन तथा प्रशारण गरेर चर्चा बटुलेका विकल्पले सानो पर्दाको भिडियो चलचित्र ‘पश्चाताप’, ‘सञ्जोग’ ‘नियती’, ‘गुनासो’ र टेलिसिरियल ‘मञ्जुर’, ‘प्रतिज्ञा’, ‘अन्तिम न्याय’ मा अभिनय गरेका छन् ।
विगत दश वर्षदेखि साहित्य लेखनमा रुची राखेका उनले एकसय ५० बढी कविता लेखेका छन् भने एक सयभन्दा बढी नाटक एकसय बढी गीत, गजल र पन्ध्र वटा कथा लेखिसकेका छन् । दुई डकुमेन्ट्री तयार पारेका उनले निबन्ध, मुक्तक र धेरै कृतिको समिक्षासमेत गरिसकेका छन् । उनले २०६९ सालमा ‘घडीका सुइराहरु’ नाटक संग्रह प्रकाशन गरेका छन् भने कविता संग्रहको प्रकाशन गर्ने तयारी गरिरहेका छन् । प्रकासोन्मुख उनको अर्को कृति हो नाटक संग्रह । उनले एकैपटक चार वटा नाटक संग्रह प्रकाशन गर्ने तयारी गरिरहेका छन् भने एक कथा संग्रह र संस्मरण संग्रह दुई वटा प्रकाशनको तयारी गरिरहेका छन् ।

पत्रकारिता र उद्घोषण एवम् अभिनयमा पोख्त उनी हाल साहित्य चौतारी झापाका अध्यक्ष पनि हुन् ।

बाँकी यता >>>

खनालको ‘बादल लाग्दा’ बजारमा

झापा घेराबारी– ७ फूलबासीका माधव खनाललाई गायक बन्ने ठूलै रहर थियो । उनी स्कूल पढ्दादेखि नै संगीतका पारखी थिए । स्वरसम्राट नारायण गोपाल होस् या कुनै नयाँ गीत बजारमा रिलिज हुन नपाउँदै उनी शब्द, संगीत र स्वरलाई टपक्कै टिपेर अरुलाई सुनाउन उत्सुक हुन्थे । स्कूलमा हुने हरेक कार्यक्रममा उनी स्टेजमा पुगेर अरुलाई पनि कहिले हसाउन त कहिले रुवाउन खप्पिस थिए । संगीत नै जीवन ठानेका उनी अहिले नवगायकको रुपमा देखा परेका छन् । उनी आधुनिक गीतको सँगालो लिएर अब तपाई हामीसामु आउने भएका छन् । माया प्रेममा आधारित गजललाई स्वरमा ढालेर उनी हामीसामु आउन लागेका हुन् ।
पाँच वर्ष अघि संगीत सिक्न काठमाडौं हुइँकिएका उनी अहिले संगीतलाई नयाँ रुपमा पाएको बताउँछन् । हिजो मेले गाउँमा देखेको र सुनेको संगीतभन्दा भिन्न रहेछ संगीतको संसार उनले भने– ‘यो क्षेत्रमा लागेका धेरै मानिस मैले बिग्रिएको देखे । स्टेजबाट गायक बन्ने सपना बोकेका उनी अहिले छठपछि हामीमाझ गीत संगीतका नयाँ–नयाँ प्रस्तुति लिएर आउँदैछन् । गजल लेख्न पोख्त उनी आफैंले ‘बादल लाग्दा सम्झे’, ‘तिमीलाई माया गर्नु छ’ जस्ता चर्चित गीतमा स्वर दिएका छन् ।तिमीलाई माया गर्नु छ बोलको गीतमा उनैले संगीत भरेका छन् । अंग्रेजी विषयमा स्नाकोत्तर सकेर विभिन्न विद्यालयमा शिक्षण पेशालाई अँगालेका उनी त्यसैलाई जीउने आधार बनाएका छन् । विद्यालय समय अवधिभन्दा बाहेकको समय उनी संगीतलाई खर्चन्छन् र नयाँ–नयाँ गीत तथा गजलको रचनामा ब्यस्त रहन्छन् । संगीतप्रति प्रेरणाको स्रोत आफ्नै परिवारलाई मान्ने उनी सानै उमेरदेखि गायनमा आफूलाई स्वतन्त्र छाडेकाले आफू यो अवस्थामा आएको बताउँछन् । आधुनिक गीत गाउन रमाउने उनी यो क्षेत्रलाई अझ फराकिलो र संगीतमय बनाउन पछिसम्म नै गायन तथा लेखनलाई निरन्तरता दिने धारणा राख्छन् । उनी भन्छन् – ‘हामी जस्ता नवगायकलाई पुरानो पिढीले गन्दैन तर स्रोता र दर्शकको मन जित्नसके उनीहरुको स्थान पनि त सुरक्षित रहन्न नि ।’
गायन क्षेत्रमा स्थापित बनेकाहरु पनि भविष्य नदेखेर विदेशिने परिपाटीलाई रोक्नुपर्ने धारणा राख्दै उनी भन्छन्– ‘हामी जस्ताले देशलाई लत्यायौ भने देश कसरी बन्छ ।’ बादल लाग्दा सम्झे गीतमा उनलाई नवगायक रीना सेन्च्यूरीले साथ दिएकी छिन् भने संगीत अजय अधिकारी सुशीलले भरेका छन् ।

Tags:

बाँकी यता >>>