महमा झापा आत्म निर्भर

सुरुङ्गा (झापा) १२ असार ।   मौरीपालन व्यवसायबाट राम्रो आम्दानी हुन थालेपछि झापा जिल्लामा मौरीपालन व्यवसाय फस्टाउँदै गएको छ ।
सतासी महिला मौरीपालन सहकारी संस्था लिमिटेडमा आवद्ध अधिकांश महिलाहरु आफ्नै गाउँघरमा बसेर मौरीपालन गर्दा राम्रो आम्दानी गर्न सकिने भएपछि त्यहाँका महिला मौरी पालन व्यवसायमा आकर्षित भएसंगै यो व्यवसाय फस्टाउँदै गएको हो । जिल्ला कृषि विकास कार्यालय झापाले महिलाहरुलाई यो व्यवसाय सञ्चालन गर्न  प्राविधिक सहयोग गरेपछि शिवसताशीका अधिकांश महिला मौरीपालन गरिरहेका छन् । थेरै लगानीमा धेरै आम्दानी गर्न सकिने भएपछि झापामा मौरीका लागि प्रयाप्त चरनको क्षेत्र नभए पनि मौरी पालनमा कृषक जागरुक भएका हुन् ।
सेरेना प्रजातिको मौरी झापामा प्रभावकारी रुपमा पाल्न गाह्रो हुने भएपछि मेलिफेरा जातको मौरी यहाँका महिलाले पालन गरिरहेका छन् । चार फ्रेममा १ गोला घारबाट डेढ÷दुई वर्ष अघि मात्रै मौरी पालन ब्यवसाय शुरु गरेका यहाँका अधिकांश कृषकले अहिले ७५ देखि १०० घारसम्म प्रतिव्यक्ति मौरी पालन गरिरहेको बताउँछन् जिल्ला कृषि विकास कार्यालय झापाका वरिष्ठ कृषि विकास अधिकृत मेघनाथ तिम्सिना । उनी भन्छन्– झापामा महुरी पालन व्यवसाय यसरी फस्टाउला भनेर हामीले सोचेकै थिएनौ तर यहाँका कृषकको सक्रियताले यो व्यवसाय हामीले सोचे भन्दा पनि राम्ररी फष्टाएर गएको छ ।
डेढवर्ष अघिबाट मौरीपालन व्यवसाय गर्दै आएकी शिवसाक्षी नगरपालिका वार्ड नं. ७ की मौरी पालक कृषक सन्तकुमारी मुखिया मौरीले आफूलाई मात्र नभई यहाँका विपन्न समुदायका महिलाको जीवनस्तर उकास्न वरदान नै सावित भएको बताउँछिन् । उनी भन्छिन् – व्यवसायिक मौरी पालन गर्न चाहने किसानलाई साना तथा मझौला कृषक आयस्तर आयोजनाले पनि सहयोग गरेकाले चुलो चौकामै सीमित रहने महिला अहिले आर्य–आर्जनको बाटोमा लागेको र आत्मनिर्भर भएको देख्दा खुशी लाग्छ ।
अहिले झापाका केही नगरपालिका र केही गाविसमा मौरीपालन फर्म सञ्चालन भएका छन् । युवा लक्षित कार्यक्रम अन्तर्गत नेपाल सरकारले अनुदान सहयोग गर्न थालेसँगै यहाँका कृषक मौरीपालन व्यवसायतर्फ आकर्षित भएको बताउँछन् जिल्ला विकास समिति झापाका योजना अधिकृत हिमराज सेढाई । उनी भन्छन् – मौरीपालन अन्य व्यवसायको तुलनामा सजिलो र धेरै आम्दानी हुने भएकाले किसानहरु यसतर्फ आकर्षित भएको मैले पाएको छु ।
 मौरीपालन व्यवसायलाई प्रोत्साहित गर्न जिल्ला कृषि विकास कार्यालयले मौरीका नयाँ घार खरिद गरेर व्यवसाय शुरु गर्न चाहने किसानहरुलाई ५० प्रतिशतसम्म अनुदान दिदैँ आएको छ । जिल्ला कृषि विकास कार्यालय झापाबाट सहयोग पाएपछि मौरीपालनमा सहजता भएको बताउँछन् स्थानीय अगुवा मौरीपालक महिला कृषक डिकुरादेवी गुरागाई । मौरीपालक कृषकका लागि चरनको समस्या रहे पनि झापाका अधिकांश कृषक मौरीको चरन क्षेत्र खोज्दै छिमेकी जिल्ला इलाम, मोरङ, सुनसरी, धनकुटासम्म जाने गरेको गुरागाईले बताइन् ।  अन्य कृषि व्यवसायभन्दा मौरी पालनमा जोखिम कम र बढी आम्दानी हुने भएकाले आफूले पनि मौरी पाल्न शुरु गरेको बताउँदै उनले भनिन् – चरनको दीर्घकालीन सोच नभएकाले यो व्यवसायमा पनि जटिलता थपिँदै गएको छ ।
शिवशताक्षीका कृषकले मह मात्र होइन मौरी नै विक्री गरेर पनि अहिले राम्रो आम्दानी गरिरहेका छन् । झापामा मौरी पालन व्यवसाय फस्टाउँदै गएपछि यहाँका कृषकले पछिल्लो समय मौरीको घार उत्पादन गर्दै विक्री वितरण गरिरहेका छन् । प्रतिघार मौरी ७ हजार रुपैयाँमा विक्री हुने गरेको र एक जना कृषकले वर्षमा १५ घारसम्म मौरी बेच्न सक्ने भएकाले कृषकलाई दोहोरो फाइदा हुन्छ जिल्ला कृषि विकास कार्यालय झापाका वालि संरक्षण अधिकृत राजेन्द्रप्रसाद खरेलले बताए ।
जिल्ला कृषि बिकास कार्यालय झापाले चालू आर्थिक वर्षमा युवा लक्षित मौरीपालन कार्यक्रममार्फत मौरीको आधुनिक घर निर्माण, मह मदानी लगायतका साम्रगी बनाउन समेत तालिम प्रदान गरेपछि कृषकमा मौरी पाल्न थप उत्साह मिलेको बताउँछन्– जिल्ला कृषि विकास कार्यालय झापाका प्रमुख वरिष्ठ कृषि विकास अधिकृत तिम्सिना ।
जिल्लामा अहिले ५ हजारभन्दा बढी कृषकले व्यवसायिक मौरी पालन गरिरहेको बताउँछन् मौरी पालक कृषक तथा सतासी महिला मौरीपालन सहकारी संस्थाकी अध्यक्ष केशमाया थेवे ।


‘राष्ट्रपति उत्कृष्ट कृषक पुरस्कार’ दाहाललाई


यसवर्ष ‘राष्ट्रपति उत्कृष्ट कृषक पुरस्कार’ झापाकी मौरी पालक कृषक देवी दाहाललाई प्रदान गरिने भएको छ ।
कृषि विकास मन्त्रालयले कृषिको माध्यमबाट दीगो आर्थिक वृद्धि तथा खाद्य सुरक्षा सुनिश्चित गर्न कृषि पेशामा सम्लग्न भएका व्यवसायी र अर्धव्यवसायी कृषकलाई थप प्रोत्साहन गर्न २०७१ सालबाट यो पुरस्कार प्रदान गर्दै आएको छ । आर्थिक वर्ष २०७०÷०७१ को वजेट वक्तव्यको बुँदा नम्नर ९९मा व्यवस्था भए अनुरुप मन्त्रालयले देशभरबाट छनौट गरिने पाँच जनामध्ये एकजना कृषकलाई  सर्वोत्कृष्ट र चार जनालाई उत्कृष्ट पुरस्कार वितरण गर्दै आएको छ । सोही बमोजिम झापा शिवसताक्षी नगरपालिकाकी दाहाललाई मौरी पालन व्यवसायमा उत्कृष्ट कार्य गरेको भन्दै ‘राष्ट्रपति उत्कृष्ट कृषक पुरस्कार’ प्रदान गर्न लागिएको कृषि विकास मन्त्रालयले जनाएको छ । पुरस्कारको राशी एक लाख रुपैयाँ रहेको छ । पुरस्कार असार १५ गते वितरण गरिँदैछ ।
मन्त्रालयले  देशबाट छनोट हुने सर्वोत्कृष्ट कृषकलाई रू. दुई लाख र चारजना उत्कृष्ट कृषकलाई रू. एक लाखको दरले पुरस्कार वितरण गर्दै आएको छ ।
पुरस्कार प्राप्त गर्नका लागि प्रत्येक जिल्लाबाट उत्कृष्ट तीनजना कृषकलाई जिल्ला कृषि विकास कार्यालयले आफ्नो विकास क्षेत्रमा पठाउँछन् र प्रत्येक विकास क्षेत्रबाट ५÷५ जना छनौट गरी राष्ट्रियस्तरमा पठाइन्छ । पाँच विकास क्षेत्रले पठाएका जम्मा २५ जनामध्ये कृषक मध्ये पाँचजना छनोट गरी पाँच जनालाई पुरस्कृत गर्ने गरिएको कृषि विकास मन्त्रालयले जनाएको छ । कृषकलाई दिइने पुरस्कार राष्ट्रपतिको हातबाट वितरण गरिने गरिएको छ ।

कसरी पाइन् दाहालले ‘राष्ट्रपति उत्कृष्ट                   कृषक पुरस्कार’

झापाको शिवशताक्षी नगरपालिका–७मा रहेकी देवी दाहाल २०६० सालबाट मौरीपालन व्यवसाय गर्दै आएकी छिन् । उनले २०६४ सालबाट व्यवसायिक मौरीपालन शुरु गरिन् । दाहालले आफूले मात्रै मौरीपालन गरिनन् यो व्यवसायमा छरछिमेक समेतलाई आवद्ध गराई अहिले मौरीपलक कृषि सहकारी संस्था नै सञ्चालन गरेर बसेकी छिन् । उनी अहिले सो सहकारी संस्थाको व्यवस्थापको रुपमा कार्यरत छिन् । दाहालले अहिले ११५ घार मौरी पालेकी छिन् । उनले अहिले यो व्यवसायबाट वार्षिक १३ लाख रुपैयाँसम्म बचत गर्दै आएकी छिन् । शुुरुमा २ घार मौरी पालेर व्यवसायमा प्रवेश गरेकी उनले महिला भएरपनि वार्षिक १३ लाख रुपैयाँसम्म वचत गर्न सक्ने सहासी महिलाका रुपमा उनी पुरस्कृत हुन लागेको जिल्ला कृषि विकास कार्यालय झापाका वरिष्ठ कृषि विकास अधिकृत मेघनाथ तिम्सिनाले बताए ।
उनले यस अघि जिल्ला र क्षेत्रबाट उत्कृष्ट कृषकको रुपमा पुरस्कृत हुँदै ‘राष्ट्रपति उत्कृष्ट कृषक पुरस्कार’का लागि छनोट हुनुभएको हो जिल्ला कृषि विकास विकास कार्यालय झापाका प्रमुख तिम्सिनाले बताए  ।


महमा झापा आत्मनिर्भर


झापा महका लागि आत्मनिर्भर भएको छ । झापाका कृषकले व्यवसायिक मौरीपलन शुरु गरेसँगै झापा महका लागि आत्मनिर्भर भएको जिल्ला कृषि विकास कार्यालय झापाले जनाएको छ । झापामा पछिल्लो समय दुई हजार घार उन्नत जातको मौरी पालिँदै आएको छ । यहाँका कृषकले अहिले जिल्ला कृषि विकास कार्यालय झापाको सहयोगमा मेलिफेरा प्रजातिको मौरीपालन गरिरहेको जिल्ला कृषि विकास कार्यालय झापाका वरिष्ठ कृषि विकास अधिकृत तिम्सिनाले बताए । मेलिफेरा मौरीबाट

मात्रै यहाँका कृषकले वार्षिक रु. १ करोड ८० लाख रुपैयाँ आम्दानी गर्ने गरेको बताइएको छ ।
त्यस्तै सेरेना प्रजातिको लोकल मौरी यहाँका १५ सय भन्दा बढी कृषकले पालन गरिरहेको जिल्ला कृषि विकास कार्यालय झापाले जनाएको छ । जसबाट ४५ लाख मूल्य वरावरको मह उत्पादन हुने गरेको जिल्ला कृषि विकास कार्यालय झापाका वाली संरक्षण अधिकृत खरेलले बताए । नेपालमा उत्पादित मह चीनमा समेत निर्यात हुने गरेको जनाइएको छ । झापामा शिव सताक्षी नगरपालिकासहित कनकाई, शनिअर्जुन, बिर्तामोड नगरपालिका र वुधवारे गाविसका कृषकले व्यवसायिक मौरी पालन गर्दै आएको जिल्ला कृषि विकास कायालयको तथ्याङ्कमा उल्लेख छ ।  

बाँकी यता >>>

झापामा डेढ करोड रुपैयाँको रवर उत्पादन

सुरुङ्गा(झापा)  असार  ।  झापामा पछिल्लो समय रवर खेती फस्टाउँदै गएको छ ।

 धान तथा अन्य वाली भन्दा रवर खेतीमा राम्रो आम्दानी हुन थालेपछि यहाँका कृषक रवर खेतीतर्फ आर्कसित भएका हुन् । औद्योगीक वालीका रुपमा चिनिएको रवर खेती  सामुदायिक वनलेसमेत लगाउन शुरु गरेको जिल्ला कन कार्यालय झापाका प्रमुख वोधराज सुवेदीले बताउनुभयो । झापामा अहिले २ सय ८० हेक्टर क्षेत्रफलमा रवर खेती हुने गरेको छ । रवर खेतीबाट झापामा आर्थिक २०७२÷०७३ मा रु एक करोड ४४ लाख रुपैयाँ आम्दानी भएको जिल्ला कृषि विकास कार्यालय झापाले जनाएको छ । चालू आर्थिक वर्षमा एक हजार विगाह क्षेत्रफलमा रवरका विरुवा लगाइएकाले आम्दानी दोव्वर हुने साना किसान प्राकृतिक रवर उत्पादक संघले जनाएको छ ।

 खाली जमिनमा रवर खेती गर्न यहाँका कृषक बढी इच्छुक छन् जिल्ला कृषि बिकास कार्यालय झापाका प्रमुख मेघनाथ तिम्सिनाले भन्नुभयो –‘ थोरै लगानीमा राम्रो आम्दानी हुने भएपछि यहाँका कृषक रवर खेतीतर्फ आर्कषित भएका हुन् ।

झापाको जामुनवारीसहित तीन वटा सामुदायिकवन वन र वुधवारे, शनिअर्जुन, धाइजन, पृथ्वीनगर, घेरावारी, राजगढ, खुदावारी, सुरुङ्गाका कृषकले व्यवसायिक रवर खेती गरिरहेको जिल्ला कृषि विकास कार्यालय झापाको तथ्याङ्कमा उल्लेख छ । झापाको सुरुङ्गामा लगाइएको ८ हेक्टर क्षेत्रफलको रवरले मात्रै वार्षिक ६ लाख रुपैयाँ आम्दानी दिने गरेको सामदायिक वन समूहका अध्यक्ष पर्शुराम गिरीले बताउनुभयो । नेपाली वजारमा रवरको अत्याधिक माग रहेको र पूर्वी नेपालमा यसको खेती हुनेगरेपनि सरकारले रवर उत्पादक कृषकलाई प्राथमिकतामा नराखेको कृषकको गुनासो छ ।

झापा, मोरङ र सुनसरीमा मात्रै १५ हजार हेक्टर क्षेत्रफलमा रवर उत्पादन हुने गरेको साना किसान प्राकृतिक रवर उत्पादक संघले जनाएको छ । २०४८ सालबाट झापामा रवर खेती शुरु गरिएको हो । २०४१ सालमा गोरखामा गोरखकाली रवर उद्योग स्थापना भएसंगै झापामा रवर खेती हुन थालेको संघका वाली उपाध्यक्ष शान्तिराम चिमरियाले बताउनुभयो । उहाँका अनुसार झापामा मासिक १० टन रवर उत्पादन हुने गरेको र यसको वजार मूल्य प्रतिकेजी एकसय ८० रुपैयाँ रहेको छ ।

नेपालमा वार्षिक १५ अर्व रुपैयाँ वरावरको रवर आवश्यक भएपनि नेपालमा उत्पादित रवरले ५ प्रतिशत मात्र हिस्सा ओगटेको छ रवर उत्पादक संघका अध्यक्ष पुष्पप्रसाद रेग्मीले भन्नुभयो ।

रवरको बिरुवा लगाएको सातबर्ष पछिबाट उत्पादन (चोप) दिने गर्छ । यसवाट २५ वर्षसम्म निरन्तर आम्दानी लिन सकिने कृषकले बताएका छन् ।

दक्षिण अमेरिकाको ब्राजिलबाट शुरु भएको मानिने रवर खेती २१ देखि ३५ डिग्री सेन्टिगे्रडसम्मको तापक्रममा राम्ररी फष्टाउने  गरेको छ । रबरबाट टायर, बेलन, कण्डम, इलेजर लगायत ५० हजार किसिमका सामाग्री निर्माण गर्न काम लाग्ने गरेको प्राबिधिक रुद्रप्रसाद पौडेले बताएका छन् । रबर सबैभन्दा बढी अक्सिजन फँयाक्ने र कार्वन सञ्चित गर्ने ५औंं वनस्पति हो ।

रबरको उत्पादन हुन छाडेपछि त्यसको काठबाट गुणस्तर काठ, दाउरा, जैविक तेल निकाल्न सकिने बिज्ञहरु बताउँछन् । अक्सिजनको भण्डारकोरुपमा रहेको रबरलाई स–साना टुक्रा जमिन वा करेसावारीमा पनि रोप्न सके आर्थिक स्तरमा वृद्धिका लागि सहयोगी हुने प्राबिधिक पौडेलले बताएका छन् ।

धुवाँ घर बनाउन ५ कृषकलाई अनुदान

झापाली कृषक रवर खेतीतर्फ आर्कसित भएसंगै जिल्ला कृषि विकास कार्यालयले कृषकलाई रवन प्रशोधन भट्टी(धुवाँ घर)मा अनुदान दिएको छ ।

जिल्ला कृषि विकास कार्यालय झापाका प्रमुख मेघनाथ तिम्सिनाका अनुसार  राष्ट्रिय औद्योगीक वाली विकास कार्यक्रम मार्फत तीन जना र जिल्ला कृषि विकास कार्यालयले दुई जनालाई अनुदान दिएको हो ।

रवन प्रशोधन भट्टी (धुवाँ घर) निर्माणमा अनुदान पाउने कृषकहरुमा वालकृष्ण सापकोटा घेरावारी–९,चन्द्रप्रकाश दाहाल पृथ्वीनगर–४,प्राकृतिक रवर सहकारी संस्था वुधवारे, ओमप्रकाश वास्तोला वुधवारे–७ र शान्तिराम चिमरिया धाइजन रहेका छन् ।

कृषकलाई रवर खेतीमा सहजताका लागि ‘रवर स्मोक हाउस’ निर्माणमा सहयोग पु¥याइरहेको  बताइएको छ ।  जमिन वाँझो रहदै गएको क्रममा चुरे क्षेत्रको तल्लो भूभाग र खाली रहेको सामुदायिक वन क्षेत्रमा समेत रवर खेती गरी आम्दानी बढाउन सकिने  जिल्ला कृषि बिकास कार्यालय झापाका वरिष्ठ कृषि विकास अधिकृत तिम्सिनाले बताउनुभयो । प्रशोधन र रवर जन्य घरेलु वढाउन तर्फ प्राविधिक पक्षलाई सवल वनाई कृषकहरुलाई छिमेकी राष्ट्रको अवलोकन गराई रवरमा औद्योगीक फड्को मान सकिने समेत उहाँको भनाई छ ।

बाँकी यता >>>

चट्याङ लागेर सरकार घाइते

सुरुङ्गा (झापा) ८ असार । रागा चराउदै गर्दा चट्याङ लागेर झापामा एक व्यक्ति गम्भीर घाइते भएका छन् ।
घाइते हुनेमा तोपगाछी– ४ निवासी ५५ वर्षीय सरकार सोरेन रहेको जिल्ला प्रहरी कार्यालय झापाले जनाएको छ । सोरेनलाई मंगलवार चट्याङ लागेको बताइएको छ । चट्याङ लागेर गम्भीर घाइते भएका उनको अहिले धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको इलाका प्रहरी कार्यालय दमकका प्रहरी नायव उपरीक्षक राजन लिम्वूले जानकारी दिनुभयो ।
चट्याङ लागेर घाइते बनेका सरकारको कम्मर मुनी सम्पूर्ण भाग नचल्ने र घाँटी मुनी डढेको प्रहरी नायव उपरीक्षक लिम्बूले बताउनुभयो ।

बाँकी यता >>>

मोटरसाइकलको ठक्करबाट पैदलयात्रीको मृत्यु

सुरुङ्गा (झापा) ८ असार । पूर्व – पश्चिम राजमार्ग  अन्र्तगतको धाइजन – ६ सडक खण्डको देवनीय पुल नजिकै मोटरसाइकलको ठक्करबाट आज दिउसो एक पैदल यात्रीको मृत्यु भएको छ ।
मृत्यु हुनेमा गरामनी– ३ निवासी ५५ वर्षीय ज्ञानवहादुर लिम्वू रहेको जिल्ला ट्राफिक प्रहरी कार्यालय झापाले जनाएको छ । लिम्वूलाई मंगलवार राति पश्चिमबाट पूर्व तर्फ जाँदै गरेको मे ५ प ३४९६ नम्वरको मोटरसाइकलले ठक्कर दिएको र उपचारको क्रममा आज दिउसो बिर्तामोडस्थित विएण्डसी हस्पिटलमा मृत्यु भएको बताइएको छ ।
दुर्घटनामा सम्लग्न मोटरसाइकल र चालकलाई इलाका प्रहरी कार्यालय चारआलीको नियन्त्रणमा राखिएको जिल्ला ट्राफिक प्रहरी कार्यालय झापले जनाएको छ । 

बाँकी यता >>>

मापसे’ गर्दा रु ८ लाख जरिवाना !

सुरुङ्गा (झापा) ८ असार ।  मादक पदार्थ सेवन गरेर सवारी चलाउने झापाका ७९३ सवारी चालक  कारवाहीमा परेका छन् ।

 जिल्ला ट्राफिक प्रहरी कार्यालय झापाका अनुसार चालू आर्थिक वर्षको  असार ६ गतेसम्ममा उनीहरु कारवाहीमा परेका हुन् । कारवाहीमा परेका सवारी चलकहरुबाट प्रहरीले रु ७ लाख ९३ हजार रुपैयाँ राजश्व संकलन गरेको जिल्ला ट्राफिक प्रहरी कार्यालय झापाका प्रहरी निरीक्षक ढुण्डीराज गिरीले जानकारी दिनुभयो । गत वैशाख महिना सम्ममा ६७९ जना, जेठमा ७६ र असारको ६ गते सम्ममा  ३८ जना कारवानहीमा परेको प्रहरी निरीक्षक गिरीले बताउनुभयो ।
अघिल्लो आर्थिक वर्षमा प्रहरीले ९०३ लाई कारवाही गरेको थियो । जसवाट ९ लाख ३ हजार  रुपैयाँ राजश्व संकलन भएको जिल्ला ट्राफिक प्रहरी कार्यालय झापाको तथ्याङ्कमा उल्लेख छ ।
मादक पदार्थ सेवन गरेर सवारी नचलाउन आग्रह गर्दै प्रहरीले सवारी चलाउदा सवारी दर्ता किताव र सवारी चालक अनुमति पत्र अनिर्वाय रुपमा बोक्न समेत आग्रह गरेको छ ।
जिल्ला ट्राफिक प्रहरी कार्यालय झापाका प्रहरी निरीक्षक गिरीले आज एक सूचना जारी गर्दै ट्राफिक नियम उल्लङ्घन गरे सवारी तथा यातायात व्यवस्था ऐन २०४९ को दफा १६० र १६४ बमोजिम कारवाही गर्ने बताउनुभएको छ । 

बाँकी यता >>>

अस्पताल परिसरमा नै सूर्तीजन्य पदार्थ

अस्पलात, विद्यालय तथा सरकारी कार्यालय परिसर एकसय मिटर भित्र सूर्ती जन्य पदार्थ वेचविखन गर्न नपाइने प्रावधान छ ।

 तर झापाको बिर्तामोडमा रहेका अस्पता

ल परिसरबाट ठूलो परिमाणमा सूर्तीजन्य पदार्थ बरामत गरिएको छ । सूर्ती जन्य पदार्थ नियन्त्रण तथा नियमन सम्वन्धी जिल्ला स्तरीय समितिले आज बिर्तामोडमा अनुगमन गरी त्यस्ता पदार्थ वरामद गरेको हो । बिर्तामोडको मनमोहन, विएण्डसी, कनकाई, विर्तासिटी, तथा ट्राफिक प्रहरी कार्यालय बिर्तामोड र यातायात कार्यालयको एकसय मिटर परिसरमा रहेका पसलहरुमा अनुगमन गरिएको थियो । सो क्रममा एकसय ५० प्याकेट गुड्खा , ६० प्याकेट खैनी, ५० वट्टा चुरोट, एकसय प्याकेट तुलसी र १२ लिटर घरेलु मदिरा वरामद गरिएको जिल्ला जनस्वास्थ्य कार्यालयका अधिकृत व्रजेश मेहताले जानकारी दिनुभयो ।

अनुगमनका क्रममा पसलमा देखाएर राखिएका सूर्ती जन्य पदार्थ मात्र चेतावनी स्वरुप नियन्त्रणमा लिइएको र कानूनले वन्देज गरेको त्यस्ता सूर्तीजन्य पदार्थ पुनः बिक्री वितरण गरेको पाइएमा जरिवाना सहित कारवाही गरिने जनाइएको छ । वरामद साम्रगी इलाका प्रहरी कार्यालय बिर्तामोडमा नष्ट गरिएको प्रहरी नायव उपरीक्षक खड्गवहादुर खत्रीले बताउनुभयो ।

झापामा सहायक प्रमुख जिल्ला अधिकारीको संयोजकत्वमा रहेको सूर्ती जन्य पदार्थ नियन्त्रण तथा नियमन सम्वन्धी जिल्ला स्तरीय समितिले यस अघिपनि भद्रपुर धुलावारी लगायतका स्थानमा अनुगमन गरी सूर्तीजन्य पदार्थ वरामद गरेको थियो । अनुगमनका क्रममा जिल्ला ट्राफिक प्रहरी कार्यालय बिर्तामोड र यातायात कार्यालय मेचीलाई धुम्रपान तथा सूर्तीजन्य सेवन निषेधित क्षेत्र लेखिएको वोर्ड समेत प्रदान दिइएको थियो । अनुगमनमा समितिका सदस्य जिल्ला शिक्षा कार्यालयका सहायक जिल्ला शिक्षा अधिकारी उद्धव विष्ट, जिल्ला विकास समिति झापाका योजना अधिकृत दीपक दाहाल, जिल्ला कृषि विकास कार्यालय झापाका लेखा अधिकृत विरेन्द्र वहादुर वस्नेत , घरेलु कार्यालयका अधिकृत चन्द्र  मिश्र, सञ्चारकर्मी तथा प्रहरीको सहभागीता रहेको थियो ।

बाँकी यता >>>

च्याउ खाएकामध्ये तीनजनाले नयाँ जीवन पाए

 पाँचथरमा जङ्गलबाट ल्याएको च्याउ खाएर सिकिस्त भएकामध्ये तीनजनाले नयाँ जीवन पाएका छन् ।

च्याउ खाएर १० जनाको मृत्यु भएको समाचार आइरहेका बेला बिर्तामोडस्थित बिएन्डसी अस्पतालमा उपचार गराएका तीन जनाले भने नयाँ जीवन पाएका हुन् ।

पाँचथर याङ्नाम–२ का ५३ वर्षीय टीकाराम मगर, २० वर्षीय गणेश मगर र १८ वर्षीय रमेश मगर सफल उपचारपछि घर फर्किएका छन् । उनीहरूसँगै सिकिस्त भएका अन्य बिरामीको भने मृत्यु भएको थियो । बिएन्डसीमा डा भूगोल प्रसाईं, डा पेन्चा नेम्वाङ, डा सुमित यादव, डा विकास थापा, डा आश्विनी यादवसहितको टोलीले उनीहरूको उपचार गरेको थियो ।

च्याउ खाएर सिकिस्त भएका आठ जनालाई उपचारका लागि बिएन्डसीमै ल्याइए पनि अन्य पाँच जनाका आफन्तले भने स्वेच्छाले बिरामीलाई उपचारका लागि दमकको अस्पतालमा लगेका थिए । त्यहाँ उपचारका लागि लगिएका पाँचै जनाको मृत्यु भएको जनाइएको छ 

बाँकी यता >>>

लगातार ५४ औं पटक रक्तदान गर्ने ओमप्रकाश

रगतको अभाव टार्न नेपाल रेडक्रस सोसाइटी सहित विभिन्न संघ–संस्थाले समय– समयमा रक्तदान कार्यक्रमको आयोजना गर्छन् । त्यसरी आयोजना गरिएको रक्तदान कार्यक्रममा अझैं पनि धेरै मानिस रक्तदान गर्न डराउँछन् ।
तर, झापाको बिर्तामोडका एक व्यक्ति त्यस्ता छन्– जसले अहिलेसम्म ५४ पटक रक्तदान गरिसकेका छन् । शनिअर्जुन–६ स्थानी घर भएका ओमप्रकाश लुइँटेल पेशाले व्यवसायी हुन् । उनले अहिलेसम्म ५४ पटक रक्तदान गरिसकेका छन् । २२ वर्षको उमेर हुँदादेखि रक्तदान गर्न शुरु गरेका उनी ४० वर्षको हुँदा सम्ममा ५४ पटक रक्तदान गरिसकेका हुन् । मानवको सर्वाेत्तम कार्य नै सेवा सम्झने उनी रक्तदानलाई नै प्रमुख ठान्छन् र निरन्तर रक्तदान कार्यक्रममा सहभागिता जनाइरहन्छन् । स्वास्थ्य शरीर रहुञ्जेल निरन्तर रक्तदान गरिरहने उनको लक्ष्य सयपटक रक्तदान गर्नु रहेको छ । लुइँटेलले २०५५ सालमा पहिलो पटक रक्तदान गरेका थिए । उनको रक्त समूह ओ पोजेटिभ हो । पहिलोपटक रक्तदान गर्दा आफू कमजोर भएका कारण अलिअलि रिंगटा लागेको सुनाउँदै उनले भने– ‘शरीर स्वास्थ्य राख्नु छ भने निरन्तर रक्तदान गरिरहनुपर्छ, अहिले म पूर्णरुपमा स्वस्थ छु ।’ रक्तदान गर्न मानसिक रुपमा त्यो वेला म तयार थिइन क्यारे त्यही भएर मलाई रिंगटा लागेको रहेछ विगत सम्झँदै उनले भने– ‘अहिले मेरो एक पाउण्ड व्लड ४ मिनेटमा तयार हुन्छ ।’ जतिधेरै रक्तदान ग¥यो उनी नै स्वास्थ्यलाई फाइदा पुग्दो रहेछ, म अहिले हट्टाकट्टा छु, अनि निरोगी पनि लुइँटेलले भने ।  
तीन–तीन महिनाको अन्तरालमा रक्तदान गर्ने लुइँटेलले पछिल्लो समय २०६२ सालबाट निरन्तर रक्तदान गरिरहेका छन् । २०६२÷०६३ सालको जनआन्दोलनका समयमा झापामा रगतको धेरै अभाव भएको थियो । सो समयमा समेत उनले रक्तदान गरेर मृत्युको मुखमा पुगेकालाई नयाँ जीवन दिएका छन् । उनले अस्पतालमा रगत अभाव भएर मृत्युको मुखमा पुगेकालाई पनि रगत दिएर बचाएका छन् । नेपाल रेडक्रस सोसाइटीसँग समन्वय गरेर लुइँटेलले निरन्तर रक्तदान गर्न थालेपछि अहिले उनलाई रेडक्रसले मात्र होइन जसलाई रगत अभाव भएको हो उनीहरुका आफन्तलेसम्म सिँधै फोन गर्ने गरेका छन् । उनलाई सवैभन्दा बढी फोन जब सवारी दुर्घटना हुन्छ, त्यो समयमा आउने गरेको छ ।
रगत अभाव हुँदा नेपाल रेडक्रस सोसाइटी, अस्पताल र विरामीका आफन्तले पनि फोन गर्ने गरेको बताउँछन् उनी । पछिल्लो समय २०७२ साल असार २४ गते उनले एक सुत्केरीको जीवन बचाएको बताए । सुत्केरी महिलालाई ‘फ्रेस व्लड’ चाहिएको रहेछ कतै नपाएपछि मलाई वीएण्डसी हस्पिटल बिर्तामोडबाट  फोन आयो मैले त्यो समय तुरुन्त ‘व्लड’ दिएर उनको ज्यान बचाए लुइँटेलले भने ।
झापाको बिर्तामोडमा नेपाल रेडक्रस सोसाइटीले सञ्चालनमा ल्याएको व्लड वैंक भवनको उद्घाटन हुँदा आयोजना गरिएको रक्तदान कार्यक्रममा आफूले एक महिना २९ दिनको अन्तरालमा पनि रक्तदान गरेको छु भने ।
निरन्तर रक्तदान गर्न रुची राख्ने उनको रक्तदान गरेको प्रमाण स्वरुप नेपाल रेडक्रस सोसाइटीले दिएको सानो कार्ड मात्रै छ । उनी जतिपटक रक्तदान गर्छन् त्यही कार्डमा रेडक्रसका कर्मचारीले विवरण भरेर हस्ताक्षर गरिदिन्छन् । रक्तदान गरेको प्रमाण उनीसँग त्यति मात्रै छ । त्यो भन्दा धेरै उनीसँग अरु केही प्रमाण छैन । समाजका लागि आफूले केही गर्न नसकेको बताउँदै लुइँटेलले भने– म पेशाले व्यवसायी हुँ, अरु समय व्यवसाय हेर्नु पर्ने हुन्छ कसैलाई रगत नपाएर आपत परे दौडिएर रगत दिन जान्छु ।’ समाजसेवामा रुची राख्ने उनी आफ्नो कार्यव्यस्तताले केही गर्न नपाएको बताउँदै उनी भन्छन् – म सजिलो बचत तथा ऋण सहकारी संस्थामा पनि आवद्ध छु । त्यही सहकारीबाट वार्षिक रुपमा आफ्नै अगुवाईमा रक्तदान कार्यक्रमको आयोजना गराउँछु । अरुलाई पनि रक्तदान गर्न प्रोत्साहन गर्ने उनी नेपाल रेडक्रस सोसाइटीसहित विभिन्न संघ–संस्थाले आयोजना गरेका कार्यक्रममा रक्तदान गर्न शुरुमा नै पुग्छन् । नेपाल रेडक्रस सोसाइटीको विशिष्ट सदस्य समेत रहेका उनी कसैलाई कुनै समूहको रगतको अभाव भएको सुने भने पनि आफैं रगत खोजी दिने काम गर्छन् । रक्तदान नै जीवन दान हो भन्ने मर्मलाई उनले राम्ररी बुझेका छन् । उनीसँग अरु–अरु रक्त समूहका रक्तदाता मानिसको सम्पर्क छ । जसलाई जुन व्लड चाहिएको हो तुरुन्त त्यसको जोहो गर्न उनलाई समय लाग्दैन । उनी चनाखो पनि छन्– नेगेटिभ व्लड ग्रुपसँग । त्यही भएर उनी सँधै डायरीमा त्यस्ता रक्तदाता  व्यक्तिको सम्पर्क नम्बर लिएर हिंड्छन् । जस्तो नाम त्यस्तै काम बिर्तामोडका औषधि व्यवसायी रणदेव हजामले भने– उनी अत्यन्त समाजसेवी व्यक्ति हुन् । त्यस्ता मानिसको सँधै हामीले सम्मान गर्न जान्नुपर्छ । उनको नामको शुरुवात नै ओमबाट शुरु भएको र अन्त्य पनि प्रकाशमा पुगेर हुन्छ हजामले भने– ओमप्रकाशले अहिलसम्म रक्तदान गरेर धेरैको जीवनमा प्रकाश छरेका छन् ।
यता नेपाल रेडक्रस सोसाइटी उपशाखा बिर्तामोडका सभापति सजेश शिवाकोटीले यस्ता दातालाई सम्मान गर्नुपर्छ भने । उनले यस्ता दाताको सम्मान गर्नु पनि आफूहरुको प्रमुख दायित्व रहेको बताउँदै रक्तदाता दिवसका दिन लुइँटेलसहित दिपेश वैधलाई हामीले केही गर्ने सोच बनाएका छौं भने । समाजसेवामा अग्रपंक्तिमा रहेका लुइँटेल आफू मात्रै रक्तदान गर्दैनन् जुन संस्थामा आवद्ध छन् त्यही संस्थालाई रक्तदान गर्न लगाएर नेपाल रेडक्रस सोसाइटीलाई पनि महत्वपूर्ण सहयोग पु¥याएको शिवाकोटीले बताए । बिर्तामोडमा निर्माण भएको व्लड वैंक स्थापना गर्न पनि महत्वपूर्ण सहयोग लुइँटेलको छ भन्दै भने– लुइँटेल जस्तै रक्तदान गरिरहने बिर्तामोडका दिपेश वैध र सन्तोष अग्रवाल पनि अग्रपंक्तिमा हुनुहुन्छ । उहाँहरुले पनि ५० पटक भन्दामाथि रक्तदान गरेको मैले सुनेको छु शिवाकोटीले भने । रक्तदाताको पहिचान खुल्ने गरी हामी अब तथ्याङ्क संकलन गरेर अघि बढ्ने रेडक्रसको भावी योजना रहेको शिवकोटीले बताए । 

बाँकी यता >>>

लुकी–लुकी वजारमा

मधु न्यौपाने र सम्पदा बानियाँको अभिनयमा तयार पारिएको सुन्दर सपना एल्बम्को लुकी–लुकी गीतको म्युजिक भिडियो सार्वजनिक भएको छ ।
सुन्दर पन्तको शब्द र तारावीर पाण्डेको स्वर तथा संगीतमा सजिएको उक्त म्युजिक भिडियो सार्वजनिक भएको हो । म्युजिक भिडियोको छायांकन ज्ञानेन्द्र शर्माले गरेका छन् । योदिन एमएलको निर्देशनमा उक्त म्युजिक भिडियो तयारी गरिएको हो । अभिनयकर्ता न्यौपाने झापाको डाँगीवारीका वासिन्दा हुन् भने सम्पदा काठमाडौंकी स्थायी बासिन्दा हुन् । गायक तारावीर पनि झापाली हुन् ।

बाँकी यता >>>

विद्यालयलाई प्रोजेक्टर र मासिक सातहजार दिने

 झापाको शनिअर्जुन नगरपालिकामा – ६ मा रहेको नवज्योति प्राथकिम विद्यालयमा शैक्षिक गुणस्तर अभिवृद्धिका लागि स्थानीय एक दाताले प्रोजेक्टर प्रदान गर्ने उद्घोष गर्नुभएको छ ।
शनिअर्जुन–६ निवासी कञ्चन सापकोटाले प्रोजेक्टरको माध्यमबाट वालवालिकालाई अध्ययन गराउदा सिकाई बढी प्रभावकारी हुने भन्दै विद्यालयलाई प्रोजेक्टर प्रदान गर्ने बताउनुभयो । उहाँले प्रोजेक्टरको माध्ययमबाट वालवालिकालाई पठान पाठन गराउने शिक्षक नियुक्ति गर्न आग्रह गर्दै उक्त शिक्षकलाई आफूले मासिक  सात हजार रुपैयाँ प्रदान गर्ने बिद्यालयमा आज आयोजित कार्यक्रममा उद्घोष गर्नुभयो ।
त्यस्तै सोही ठाउँ निवासी चन्द्रकला थापाले विद्यालयमा सरस्वतीको मन्दिर निर्माण गरिदिने घोषणा गर्नुभएको छ । उहाँले विद्यालयमा अध्ययनरत वालवालिकालाई पूजा गर्न सरस्वतीको मन्दिर अति आवश्यक रहेछ केही महिनाभित्रै म यस विद्यालयमा मन्दिर निर्माण गरिदिन्छु भन्नुभयो ।
सहारा नेपाल वचत तथा ऋण सहकारी संस्था लिमिटेड बिर्तामोडको संयोजनमा भएको रक्तदान कार्यक्रममा स्थानीयदाताले विद्यालयलाई सहयोग गर्ने उद्घोष गरेका थिए ।

बाँकी यता >>>

सवा दुईलाख पर्यटक आउँदा साढे सत्तरीलाख संकलन

झापाको कनकाई नगरपालिकामा रहेको जामुनखाडी सामुदायिक वन उपभोक्ता समूहले सञ्चालनमा ल्याएको जामुनखाडी सिमसार तथा पर्यटकीय क्षेत्रको यस वर्ष २ लाख ३५ हजार ३ सय आन्तरिक तथा वाह्रय पर्यटकले अबलोकन गरेका छन् ।

यो गत वर्षको तुलनामा बढी हो । अघिल्लो आर्थिक वर्ष

२ लाख २१ हजार ३ सय ८८ जना पर्यटकले मात्रै सिमसार क्षेत्रको अवलोकन गरेको जामुनखाडी सिमसार तथा पर्यटकीय क्षेत्रका कार्यालय सचिव अमर चौहानले बताउनुभयो । चालू आर्थिक वर्ष २०७२÷०७३ को साउनदेखि वैशाखसम्म सिमसार क्षेत्र आएका पर्यटकका कारण रु ७० लाख ५९ हजार रुपैयाँ आर्थिक संकलन भएको कार्यालय सचिव चौहानले बताउनुभयो । अघिल्लो आर्थिक वर्ष सो समयमा ४७ लाख ४७ हजार ७ सय ६० रुपैयाँ मात्रै आर्थिक संकलन भएको थियो ।

असुरक्षित बन्य जन्तुलाई संरक्षण गरेर राखिएको र सिमसार क्षेत्रलाई व्यवस्थित गर्दै लगिएका कारण यहाँ पर्यटक आवागमनमा वृद्धि भएको हो सामुदायिक वन समूहका अध्यक्ष पर्शुराम गिरीले बताउनुभयो । उहाँका अनुसार सिमसार क्षेत्र २६.५४ हेक्टर क्षेत्रफलमा फैंलिएको छ । जहाँ दुर्लव बन्य जन्तु(अजिङ्गर,गिद्ध,वन हुचिल, चितल,मृग,भालू,दुम्सी, कछुवा, चरी वाघ, पानीऔत लगायत २२ प्रजाति) संरक्षण गरिएर राखिएको छ । त्यस्तै सिमसार क्षेत्रमा नौका विहार, वाल उद्यान, मृगस्थली, झोलुङ्गे पुल, आर्कषक वनभोजस्थल भएका कारण पनि यहाँ पर्यटकको संख्यामा वृद्धि भएको समूहका अध्यक्ष गिरीले बताउनुभयो ।

जामुनखाडी सामुदायिक वन ४३४ हेक्टर क्षेत्रफलमा फैंलिएको छ । जसलाई समूहले ५ वटा व्लकमा विभाजन गरेको र १ नम्वर ब्लकमा सिमसार क्षेत्र रहेको बताइएको छ । पछिल्लो समय जामुनखाडी सिमसार क्षेत्र पूर्वकै महत्वपूर्ण पर्यटकीय स्थालका रुपमा विकास हुँदै गएको छ ।

बाँकी यता >>>

कोच सङ्ग्राहलय निर्माणका लागि रु ४० लाखको निःशुल्क जग्गा प्रदान

 तत्कालीन घैलाडुब्बा गाविसका प्रधानपञ्च टेकनारायण राजवंशीको स्मृतिमा उहाँका छोरा तथा नातेदारले आठ कठ्ठा जमिन निःशुल्क प्रदान गरेका छन् ।
कनकाई नगरपालिका – ९ घैलाडुब्बामा कोच सङ्ग्राहलय, सूचना केन्द्र र सभाहल निर्माणका लागि रु ४० लाख मूल्य बराबरको जग्गा कोच राजवंशी सांस्कृतिक संरक्षण तथा पर्यटन प्रवद्र्धन केन्द्रलाई प्रदान गरेका हुन् । स्थानीय प्रेमप्रसाद राजवंशीको अध्यक्षतामा पर्यटन प्रवद्र्धन केन्द्रको स्थापना गर्दै उक्त मूल्य बराबरको जग्गा राजवंशीका छोरा तथा आफन्तले निःशुल्क प्रदान गरेका हुन् । जग्गा प्रदान गर्ने छोरा तथा नातेदारहरुमा रतनलाल, खगेन्द्रप्रसाद, प्रेमप्रसाद, राजेन्द्रप्रसाद, सूर्यप्रसाद, सीताराम, विमल, विष्णुप्रसाद र दलबहादुर राजवंशी रहेको स्थानीय समाजसेवी राजेन्द्रप्रसाद पोखरेलले जानकारी दिनुभयो ।
यो संगै घैलाडुब्बामा पूर्वमै ठूलो र सुविधा सम्पन्न कोच संग्राहलय निर्माण गरिने भएको छ ।

बाँकी यता >>>