सुरुङ्गा (झापा) १७ जेठ । जनक शिक्षा सामग्री केन्द्र लिमिटेडले समयमा पाठ्य पुस्तक उपलब्ध नगराउदा झापामा कक्षा ८ को पाठ्य पुस्तक अभाव भएको छ ।
शैक्षिक सत्र सुरु भएको डेढ महिना वितिसक्ता पनि कक्षा ८ को पाठ्य पुस्तक जनक शिक्षा सामग्री केन्द्र लिमिटेडले उपलव्ध नगराएपछि पाठ्य पुस्तकको अभाव भएको जिल्ला शिक्षा अधिकारी डिल्लीराम लुइँटेलले जानकारी दिनुभयो । कक्षा ८ मा झण्डै साढे १२ हजार विद्यार्थी अध्ययनरत रहेको र समयमा पाठ्य पुस्तक नआउदा विद्यार्थीलाई पठन पाठनमा समस्या भएको उहाँको भनाई छ ।