सुरुङ्गा (झापा) १८ वैशाख । एघार महिना अगाडिदेखि बेपत्ता बनेकी एक महिलालाई फेला पारी सकुसल परिवारको जिम्मा लगाउने तीन व्यक्ति आज पुरस्कृत भएका छन् ।
पृथ्वीनगर– ६ निवासी ४९ वर्षीया कौशीला श्रेष्ठलाई धरानको भानुचौकमा फेला पारी परिवारको जिम्मा लगाउने पृथ्वीनगर – ८ निवासी सञ्जय लिम्बू, सोही ठाउँका सुमन लिम्बु र पृथ्वीनगर – ६ निवासी फिलिप लिम्बू नगद एक लाख सहित पुरस्कृत भएका हुन् ।
उनीहरुलाई आज आयोजित एक कार्यक्रमका बीच श्रेष्ठ परिवारले पुरस्कृत गरेको छ । २०७१ साल जेठ १२ गते श्रेष्ठ घरवाट एकाएक वेपत्ता बनेकी थिइन् । राम्रोसंग कान नसुन्ने, बोली पनि नआउने कौशिला हराएपछि उनका परवारले खोजी गरेपनि फेला पार्न सकेनन् ।
लामो समयसम्म पनि उनी नभेट्टिएपछि धनमाया श्रेष्ठले उनलाई फेला पार्ने जो कोहीलाई नगद एकलाख रुपैयाँ दिने घोषण गरेकी थिइन् । सोही अनुरुप तीन युवाले हराएकी दिदीलाई भेट्टाएर सकुसल परिवारको जिम्मा लगाएको भन्दै नगद सहित पुरस्कृत गरिएको धनमायाले जानकारी दिनुभयो । हराएकी महिला गत वैशाख ४ गते तीन युवाले फेला पारेर परिवारको जिम्मा लगाएका थिए ।
0 comments:
Post a Comment