फरार प्रतिवादी पक्राउ

         

सुरुङ्गा -झापा_४ बैशाख ।  डाका मुद्धाका फरार प्रतिवादी ११ वर्षपछि झापाको शनिअर्जुन नगरपालिकाबाट आज पक्राउ परेका छन् ।

पक्राउ पर्नेमा सोही ठाउँ निवासी ४३ वर्षीय कमल विक रहेको  प्रहरी चौकी शनिश्चरेका प्रहरी सहायक निरीक्षक सार्कीधन राईले जानकारी दिनुभयो । 

    २०६६ सालमा सर्वोच्च अदालतले ९ वर्ष जेल सजाय र १० हजार तीन सय ५० रुपैयाँ जरिवाना तोके पनि उनी फरार रहेका थिए ।

२०६१ सालमा सुरुङ्गा बजारमा डकैती काण्डमा उनी सम्लग्न रहेको बताइएको छ ।