सुरुङ्गा (झापा) ४ बैशाख । १० वर्षीया वालिकालाई जवरजस्की करणी गरेको अभियोगमा एक व्यक्ति आज झापाको बिर्तामोडबाट पक्राउ परेका छन् ।
पक्राउ पर्नेमा बिर्तामोड नगरपालिका – ६ स्थित ४५ वर्षीया नवीन चुडाल रहेको जिल्ला प्रहरी कार्यालय झापाले जनाएको छ । चुडालले दमक नगरपालिका निवासी एक वालिकालाई सानी आमाको घर आएका बेला हिजो साँझ जवरजस्ती करणी गरेको बताइएको छ ।
पीडित वालिकाकी सानीआमा चुडालको घरमा डेरा बस्तै आएको र सानीआमा सव्जी किन्न वजार गएका वेला उनलाई च्याउखेती हेर्न बोलाएर चुडालले च्याउखेती गरिएकै ठाउँमा जवरजस्ती करणी गरेको उजुरीको आधारमा आज पक्राउ गरिएको प्रहरीले जनाएको छ ।
यता पीडित वालिकाको आज नै मेची अञ्चल अस्पताल भद्रपुरमा स्वास्थ्य परीक्षण गरिएको बताइएको छ ।
0 comments:
Post a Comment