सुरुङ्गा (झापा) २९ भदौ । झण्डै दश किलो सुन सहित एक व्यक्ति झापाको चन्द्रगढीबाट आज दिउसो पक्राउ परेका छन् ।
पक्राउ पर्नेमा ललितपुर निवासी २२ वर्षीय सोनम गुरुङ रहेको अञ्चल प्रहरी कार्यालय मेचीले जनाएको छ ।
चन्द्रगढी विमानस्थलबाट यति एयरलाईन्सको २ ः ३० को उडान भएर काठमाडौं तर्फ जान लागेको समयमा उनलाई चेकजाँचको क्रममा अञ्चल प्रहरी कार्यालय मेचीको प्रहरी टोलीले सुन सहित पक्राउ गरेको अञ्चल प्रहरी कार्यालय मेचीका वरिष्ठ प्रहरी उपरीक्षक पुस्कल रेग्मीले जानकारी दिनुभयो । गुरुङले भारतबाट सुन ल्याएको र काठमाडौं लान लागेको बताइएको छ ।
सुन सहित पक्रउ परेका गुरुङलाई जिल्ला प्रहरी कार्यालय झापामा राखेर थप अनुसन्धान भइरहेको बताइएको छ ।
0 comments:
Post a Comment