आगो ताप्दा जलेर मृत्यु

सुरुङ्गा (झापा) १८ माघ । दक्षिणी झापाको घेरावारीमा आज एक व्यक्तिको जलेर मृत्यु भएको छ ।

मृत्यु हुनेमा घेरावारी – ६ मिलडाँडा निवासी ५० वर्षीय चन्द्रवहादुर रुम्वा रहेको इलाका प्रहरी कार्यालय राजगढले जनाएको छ । आज विहान छिमेकी फूलमाया मेचेको घरमा गएर आगो ताप्ने क्रममा उनको जलेर मृत्यु भएको बताइएको छ ।

मादक पदार्थ सेवन गरेका उनको अगेनामा बालेको आगो ताप्ने क्रममा घोप्टिएर लडेपछि उनको  जलेर मृत्यु भएको प्रारम्भीक अनुसन्धानबाट खुलेको इलाका प्रहरी कार्यालय राजगढका प्रमुख भरत केशीले जानकारी दिनुभयो ।