दुर्घटनामा एकको मृत्यु

सुरुङ्गा (झापा) १७ माघ । पूर्व – पश्चिम राजमार्ग अन्तरगत झापाको शिवसतासी नगरपालिका – ५ मा  नम्वर नखुलेको सवारी साधनको ठक्करबाट एक व्यक्तिको मृत्यु भएको छ ।

आज बिहान सडक किनारमा  पैदल हिडिरहेका  अन्दाजी ३५ वर्षीय नाम, थर, वतन खुल्न नसकेका पुरुषलाई नम्वर नखुलेको सवारीले ठक्कर दिएको स्थानीयवासीले बताएका छन् । सवारी साधनको ठक्करबाट गम्भीर घाइते भएका उनको मेची अञ्चल अस्पताल भद्रपुरमा पु¥याए लगत्तै मृत्यु भएको जिल्ला प्रहरी कार्यालय झापाले जनाएको छ ।
यसैबीच प्रहरीले झापाको बिर्तामोडबाट भारतीय  नम्वर प्लेट वीआर २ एच ५२७१ भएको एउटा ट्रकलाई नियन्त्रणमा लिएर अनुसन्धान अघि बढाएको जिल्ला ट्राफिक प्रहरी कार्यालय झापाले जनाएको छ ।