सुरुङ्गा (झापा) ३० असार । कार्य सम्पादनको आधारमा जिल्ला शिक्षा कार्यालय झापा यो वर्ष पनि पूर्वका १६ जिल्लामा उत्कृष्ठ भएको छ । उत्कृष्ठ भएसंगै झापाले नगद २५ हजार सहित उत्कृष्ठताको प्रमाणपत्र प्राप्त गरेको जिल्ला शिक्षा अधिकारी डिल्लीराम लुइँटेलले जानकारी दिनुभयो ।
जिल्ला शिक्षा कार्यालय झापा
योसंगै झापा लगातार तेस्रो पटक पूर्वमा उत्कृष्ठ भएको क्षेत्रीय शिक्षा निर्देशनालय धनकुट्टाका उप निर्देशक चुडामणि फुयालले जानकारी दिनुभयो ।आर्थिक वर्ष २०७१÷०७२ को कार्य सम्पादनको आधारमा क्षेत्रीय शिक्षा निर्देशनालयले हरेक वर्ष मूल्याङ्कन गर्दै उत्कृष्ठसहित तीन जिल्लालाई पुरस्कृत गर्दै आएको छ । क्षेत्रीय शिक्षा निर्देशनालयले दिएको जानकारी अनुसार उदयपुर दोस्रो र इलाम तेस्रो भएका छन् । दोस्रो हुने उदयपुरले नगद २० हजार र तेस्रो हुने इलामले नगद १५ हजार सहित प्रमाणपत्र हात पारेको छ । शैक्षिक गुणस्तर अभिवृद्धि सहित १४ वटा विद्यामा गरिएको मापनका आधारमा झापा प्रथम भएको क्षेत्रीय शिक्षा निर्देशनालय धनकुट्टाका उप निर्देशक फुयालले बताउनुभयो ।
जिल्ला शिक्षा अधिकारी लुइँटेल
पूर्वका १६ जिल्लामा झापा उत्कृष्ठ भएसंगै झापाका जिल्ला शिक्षा अधिकारी लुइँटेलले शैक्षिक विकासमा सघाउ पु¥याउने सबैप्रति आभार व्यक्त गर्नुभयो ।
0 comments:
Post a Comment