सुरुङ्गा (झापा) २२ चैत । कुनै समय चुल्हा चैका र घर धन्दामा मात्र सीमित रहन्छन भनिन्थ्यो महिलाहरुलाई । तर, तिनै महिलाहरु अहिले पुरुषहरु सरह राजनीतिक क्षेत्रमा होस् या त सामाजिक क्षेत्र वा आर्थिक क्षत्रमा नै किन नहोस् पुरुषले जस्तै उत्कृष्ठ काम गर्दै समाज रुपान्तरणमा महत्वपूर्ण योगदान पु¥याउन सफल भएका छन् ।
महिलाको सक्रियतामा समाजमा भए गरिएका कामले सकारात्मक प्रभाव पार्न थालेपछि उनीहरुलाई हेर्ने दृष्टिकोणमा परिर्वतन हुन थालेको छ । पुरुषको तुलनामा अघि बढेका महिलाहरु पछिल्ला दिनमा उदाहरणको रुपमा समाजमा गनिन थालेका छन् । महिलाहरुले विकास निर्माणको क्षेत्रमा यस्तै एउटा उदाहरण पेश गरेका छन् झापाको बुधबारे गाविस वडा नम्बर १ दामाटार खोलाको झुलुङ्गे पुल निर्माण गरेर ।
स्थानीय सामुदायिक संस्थाको पहलमा महिलाहरुको मात्रै समिति बनाई बुधबारे – १ स्थित दामाटार खोलामा झोलुङ्गे पुल निर्माण भएपछि त्यहाँका २०१ घरधुरीका ८ सय बढी उपभोक्ताको दिनचर्या नै फेरिएको छ अहिले । विभिन्न चरणमा यस अघि गरिएका पुल निर्माणका प्रयासहरु असफल भएपछि निराश बनेका त्यहाँका स्थानीय उपभोक्ताको बषौँ देखिको सपना पुरा गरिदिए त्यहाँका महिलाहरुले । दातृ संस्था हेल्भेटासको रु २५ लाख ९० हजार, जिल्ला विकास समिति झापा र बुधबारे गाविसको ८४÷ ८४ हजारको आर्थिक सहयोग पाएपछि महिलाहरु झोलुङ्गे पुल निर्माणमा जुटे र पुल निर्माण गरी छाड्ने अठोटका साथ लागि परे फलस्वरुप उनीहरुले आफ्नो अठोट पुरा गरेरै छाडेको बताउनुहुन्छ दामाटार झोलुङ्गे पुल निर्माण उपभोक्ता समितिकी अध्यक्ष यमुना चापागाई । सार्वजानिक काममा सबैको सहमति र सरकार्यमा अघि बढ्नुपर्ने हुँदा चुनौति त हुन्छ नै । तर, त्यस्ता चुनैतिलाई पनि थाँती राख्दै त्यहाँका महिलाले पुल निर्माण गरेरै छाडे ।
बालबालिकालाई विद्यालय जान, बिरामी भएपछि उपचार गर्न दैनिक आवजजावत लगायतका समस्याबाट बषौँदेखि प्रताढित स्थानीय उपभोक्ता पुल निर्माणसँगै अहिले हर्षित भएका छन् । बषौँ देखिको समस्या पुल निर्माणसँगै दुर भएको छ भन्नुहुन्छ पुल निर्माण समितिकी अध्यक्ष चापागाइँ ।
कष्टपूर्ण दैनिकीबाट गुजारा चलाईरहेका उपभोक्ताका लागि झोलुङ्गे पुल अहिले त्यस क्षेत्रका स्थानीयका लागि वरदान नै साबित भएको छ । त्यस कार्यमा अहोरात्र खटेर त्यहीका महिलाहरुले ८ सय बढीको सपनालाई पुरा गरेका छन् । केही गर्छु भन्ने भावनाले अघि बढे हरेक कार्यमा महिलाहरु पनि उत्तिकै सक्षम छन् भन्ने उदाहरण यसलाई मान्न सकिन्छ । पुरुषको तुलनामा विश्वसनीय काम गरेर महिलाहरुले प्रस्तुत गरेको कार्यलाई उदाहरण मानेर विकास निर्माणको पाटोमा झापाका महिलाको उल्लेख्य सहभागीता रहेको मान्न सकिन्छ ।
0 comments:
Post a Comment