चालकको आन्दोलनले पढाई प्रभावित

सुरुङ्गा (झापा) १० वैशाख । तबल बृद्धि, दसैँ खर्च र  निःशुल्क शिक्षाको माग गर्दै निजी विद्यालय

चालक संघ झापाले आजबाट आन्दोलन शुरु गरेको छ ।
  तीन सूत्रीय माग राख्दै चालक तथा सहचाकलले  आन्दोलन शुरु गरेसंगै  झापाका निजी बिद्यालयको पढाई पूर्ण रुपमा प्रभावित भएको छ ।
चालक संघ आन्दोलित हुँदै आजबाट सवारीसाधन नचलाउदा निजी विद्यालयको पठनपाठन प्रभावित भएको हो ।
निजी विद्यालय चालक संघ झापा अध्यक्ष पदमलाल तामाङले प्याब्सन, एनप्याब्सन र हिसान झापालाई मागबारे जानकारी गराएपनि कुनै चासो नदिएका कारण आफूहरु आन्दोनमा उत्रनु परेको बताउनुभयो ।  ‘हामीले न्यूनतम् माग राखेका छौँ’ अध्यक्ष तामाङले भन्नुभयो – माग पूरा नभएकाले बाध्य भएर आन्दोलनमा उत्रिएका हौं ।
झापामा निजी विद्यालयका चालकहरुले ५÷६ हजार र सहचालकले ३÷४ हजार रुपैयाँ मात्रै तलव पाउने गरेको अध्यक्ष तामाङले बताउनुभयो । ‘कुनै – कुनै विद्यायलमा ८ देखि १२ हजार रुपैयाँ सम्म पनि तलव छ’ उहाँले भन्नुभयो – काम एउटै भएपछि सबैको तलब समान हुनुपर्छ भन्ने हाम्रो माग हो ।
चालक संघले आन्दोलनको कार्यक्रम अन्तरगत बैशाख १० गतेदेखि माग पूरा नभएसम्म विद्यालयको सवारी नचलाउने र चलाउन समेत नदिने निर्णय गरेको छ । यदि कसैले जोरजबरजस्ती गरेर विद्यालयका सवारी चलाए त्यसबाट आउने परिणामको जवाफदेही स्वयम् विद्यालय नै हुनुपर्ने चेतावनी समेत दिएको छ । त्यस्तै, वैशाख ११ गते ¥याली र १२ गते प्याब्सन तथा एनप्याब्सनको कार्यालयमा धर्ना दिने कार्यक्रम रहेको संघले जनाएको छ ।
जिल्लाभरका करिब १ सय ६७ जना चालकहरु संगठित भइसकेको र हुनेक्रम जारी रहेको अध्यक्ष तामाङले बताउनुभयो । झापामा ४ सय ११ वटा निजी विद्यालय रहेको जिल्ला शिक्षा अधिकारी डिल्लीराम लुइँटेलले बताउनुभयो ।