जंगली हात्तीको आक्रमणबाट झापामा एक जनाको मृत्यु

सुरुङ्गा(झापा) २ पुस । झापाको मेचीनगरमा  जंगली हात्तीको आक्रमणबाट गएराति एक व्यक्तिको मृत्यु भएको छ ।
मृत्यु हुनेमा  मेचीनगर– ४निवासी ६८ वर्षीय डम्वर कुँवर रहेको  जिल्ला प्रहरी कार्यालय झापाले जनाएको छ ।  गएराति गाउँ छिरेको जंगली हात्ती लखेट्ने क्रममा आक्रमण गरेको र दाराले घाटीमा रोपेपछि कुँवरको घटनास्थलमा नै मृत्यु भएको स्थानीयवासीले बताएका छन् ।
स्थानीय जंगलबाट निस्किएको हात्ती धपाउन गाउँले भेला भएको र हात्ती धपाउदा धपाउदै कुँवरलाई आक्रमण गरेको प्रहरीले जनाएको छ ।