सुरुङ्गा(झापा) १ पुस । झापाको बिर्तामोड नगरपालिका –९ मा आज दिउसो थ्रेसरबाट धान झार्दा झार्दै आगलागी भएको छ ।
स्थानीय गोमादेवी सापकोटाको घर नजिकै धान झार्ने क्रममा अचानक परालमा आगो सल्कदा झार्दै गरेको ५ मन धान र पराल जलेर नस्ट भएको जिल्ला प्रहरी कार्यालय झापाले जनाएको छ । आगलागीबाट ३० हजार मूल्य वरावरको क्षति भएको बताइएको छ ।
आगलागी स्थानीयवासी, नेपाल प्रहरी र विर्तामोड नगरपालिकाको दमकलले नियन्त्रणमा लिएको जिल्ला प्रहरी कार्यालय झापाका प्रहरी प्रवक्ता भीमवहादुर दाहालले जानकारी दिनुभयो ।
थ्रेसरबाट कसरी आगलागी भयो सो विषयमा भने अनुसन्धान भइरहेको प्रहरीले जनाएको छ ।
0 comments:
Post a Comment