सुरङ्गा (झापा) २० फागुन । इलाका प्रहरी कार्यालय काँकरभिट्टाले मेची भन्सार परिसर भित्रैबाट ठूलो परिमाणमा सुपारी वरामद गरेको छ ।
वुधवार दिउसो धुलावारीस्थित चौधरी कुचो उद्योगबाट कुचो सहित पीवी ९८०९ नम्वरको ट्रकमा लोड भएर आएको १५ हजार मेट्रिकटन २७४ वोरा सुपारी वरामद भएको इलाका प्रहरी कार्यालय काँकरभिट्टका प्रहरी नायव उपरीक्षक श्यामकृष्ण अधिकारीले बताउनुभयो । कुचो उद्योगबाट १० वटा कुचो वोकेको ट्रक भन्सार आएका थिए । भन्सार आएका ट्रक मध्ये एउटा ट्रकमा सुपारी फेला परेको र वाँकी ट्रक पनि नियन्त्रणमा लिइएको प्रहरी नायव उपरीक्षक अधिकारीले बताउनुभयो । प्रहरीले वरामद गरेको सुपारीको मूल्य ५० लाख भन्दा माथि पर्ने बताइएको छ ।
प्रहरीले नियन्त्रणमा लिएका वाँकी ९ वटा ट्रकको पनि आज चेक जाँच गरिने बताइएको छ ।
0 comments:
Post a Comment