सुरुङ्गा(झापा) २४ भदौ । झापा गाँउपालिकाका बाढी पीडित विद्यार्थीका लागि धुमुर्स – सुन्तली फाउण्डेशनले शुक्रवार शैक्षिक समाग्री वितरण गरेको छ ।
फाउण्डेशनले १३ वटा विद्यालयका १ हजार १ सय ५० जना विद्यार्थीलाई शैक्षिक समाग्री वितरण गरेको हो । बाढीले पाठ्य पुस्तक, विद्यालय पोशाक लगायतका सामाग्रीहरु बगाएपछि दैनिक पठन –पाठनमा समस्या भोग्दै आएका बालबालिकाहरुलाई एक थान स्कूल व्याग, कपी, डट, पेन्सिल, टिफिन बक्क लगायतका सामाग्री हस्तान्तरण गरिएको थियो ।
सिमलवाडी, नमूना, लक्ष्मी, भानुभक्त, भृकुटी रामजानकी लगायतका सामुदायिक विद्यालयमा अध्ययनरत विद्यार्थीलाई पठन – पाठनमा सहज होस् भन्दै फाउण्डेशनले शैक्षिक सामग्री वितरण गरेको फाउण्डेसनका सदस्य विकाशराज पाण्डेले बताउनुभयो ।
साउनको अन्तिम साता आएको वाढीले यहाँका १ हजार २ सय बालबालिकाको शैक्षिक सामाग्रीमा क्षति पुगेको गाउँपालिकाका अध्यक्ष जयनाराण शाहले बताउनुभयो । उनीहरुलाई गाउँपालिकाले पनि शैक्षिक लगायतका सामग्री वितरणको तयारी गरिरहेको उहाँले बताउनुभयो ।
0 comments:
Post a Comment