बिर्तामोड, कात्तिक ११ ।
सरकारले झापाको दमकमा १५ शैयाको दमक अस्पताल सञ्चालनमा ल्याएपनि पूर्वाधार नभएपछि डेंगु रोगी निजी अस्पताल जान बाध्य छन् ।
स्वास्थ्य सेवा विभागबाट रोग नियन्त्रणका लागि डा. यदुचन्द्र घिमिरे नेतृत्वको टोली झापा आएपनि अस्पतालमा आवश्यक पूर्वाधार नभएपछि डेंगूरोगीले सहजै सेवा पाउन सकेका छैनन् । अस्पतालमा वेड नभएका कारण विरामीको भुइँमा राखेर उपचार हुँदै आएको छ । दमक अस्पतालमा एउटापनि वेड नभएका कारण सेवा लिन आएका विरामी निजी अस्पताल धाउन बाध्य छन् । योसंगै डेंगूका अधिकंश विरामी अस्पतालमा रगत परीक्षणका लागि ल्यावसमेत नहुँदा निजी अस्पताल तथा क्लिनक जाने गरेका छन् ।
एक साता अघिदेखि झापाको दमकमा देखा परेको डेंगू रोगीको संख्या अहिले दिनानुदिन बढ्दै गएको छ । हालसम्म दमकमा डेंगू रोगीको संख्या १०९ पुगेको जिल्ला जनस्वास्थ्य कार्यालय झापाले जनाएको छ ।
तीन वर्ष अघिपनि झापामा डेंगू रोग देखा परेको थियो । झापाको काँकरभिट्टामा यो रोगको संक्रमणबाट दुई जनाको मृत्यु भएको जिल्ला जनस्वास्थ्य कार्यालयको तथ्याङ्कमा उल्लेख छ ।
यता दमक अस्पतालका मेडिकल सुपरीटेन्डेन्ट वुद्धिवहादुर थापाले अस्पतालमा दरवन्दी अनुसार स्वास्थ्यकर्मी नहुँनु, इन्भरटर नहुँदा अस्पतालमा ल्याव सेवा सञ्चालन गर्न नसकिनु, अस्पतालमा एउटा पनि बेडको व्यवस्था नभएपछि अस्पताल अएका विरामीलाई बाहिर पठाउने गरेको बताउनुभयो । अस्पतालमा तीन जना चिकित्सकको दरवन्दी रहेको समेत उहाँले बताउनुभएको छ ।
दमक अस्पताल चालू आर्थिक वर्षको साउन १ गतेबाट सञ्चालनमा आएपनि आवश्यक पूर्वाधार भने नभएको जिल्ला जनस्वास्थ्य कार्यालय झापाका देवराज कार्कीले बताउनुभयो ।
उता दमक उद्योग वाणिज्य संघका अध्यक्ष राजेन्द्र ढकालले अस्पतालमा कर्मचारीसहित आवश्यक पूर्वाधार उपलव्ध गराउन सरकारसंग माग गर्नुभएको छ । उहाँले डेंगूले महामारीको रुप लिदापनि सरकारले अस्पताल प्रभावकारी रुपमा सञ्चालन गर्न नसकेको आरोप लगाउनुभयो ।
0 comments:
Post a Comment