कर्मयोग भवनको निर्माण कार्यले तीव्रता पायो

सुरुङ्गा (झापा)  २८ भदौ । रु  १० करोड रुपैयाँको लागतमा झापाको कनकाई नगरपालिका अन्र्तगत पर्ने कोटीहोममा निर्माण सुरु भएको कर्मयोग भवन(काजक्रिया गर्ने थलो) को निर्माण कार्यले तीव्रता पाएको छ ।
 एक दिनको समय र केही रकम समुदायका लागि भन्ने अवधारणा अनुरुप सञ्चालित समर्पण राष्ट्रिय अभियानबाट संकलन भएको रकमको लगानीमा कर्मयोग भवन निर्माण कार्य सुरु गरिएको र अहिले त्यसले तीव्रता पाएको भवन निर्माण समितिका संयोजक महेन्द्रकुमार गिरीले जानकारी दिनुभयो ।

कर्मयोग भवन निर्माण स्थलमा आज पत्रकार भेटघाटको आयोजना गरी भवन निर्माण सम्वन्धी जानकारी दिदै अध्यक्ष गिरीले  झापाका ६८ वटा संघ संस्थाका प्रतिनिधिको प्रत्यक्ष सहभागीतामा भवनको निर्माण कार्य सुरु गरिएको र आज उक्त भवनको छत ढलाई समेत गरिएको बताउनुभयो । छत ढलान कार्यको उद्घाटन प्रमुख जिल्ला अधिकारी तेजप्रसाद पौडेलले गर्नुभयो ।
भवन निर्माणको छत ढलाई उद्घाटन गर्नुअघि भएको कार्यक्रममा बोल्दै निर्माण समिति संयोजक गिरीले भवनको पहिलो तला निर्माण सम्पन्न गर्न तीन करोड रुपैयाँ लाग्ने बताउनुभयो । उहाँले  भवन आधुनिक र सुविधा सम्पन्न हुन्छ भन्नुभयो ।

गत बैशाख २६ गते कनकाई माई कोटीहोममा पहिलो पटक कनकाई संरक्षण अभियान स्वरुप समर्पण राष्ट्रिय अभियान सञ्चालन गरिएको थियो । उक्त अभियानमा जनही दुई हजार रुपैयाँ समर्पण गरेर पाँच हजार चार सय २१ जनाले सहभागिता जनाउदै कर्मयोग भवन बनाउने प्रतिवद्धता व्यक्त गरेका थिए ।

बाँकी यता >>>

विदेश जान छाडेर झापाली कृषक व्यवसायिक पशुपालन तर्फ आर्कषित

सुरुङ्गा (झापा) ८ भदौ । मासु र दुग्दजन्य पदार्थको मूल्य महँगिदै गएपछि झापामा दिनानुदिन पशुपालन व्यवसाय फस्टाउदै गएको छ ।  पछिल्लो समय झापाका ग्रामीण क्षेत्रदेखि सहर बजारसम्मका कृषकले एकीकृत पशुपालन व्यवसाय शुरू गरेका छन् ।  पशुपालक कृषकका लागि सरकारले अनदान रकम समेत उपतव्ध गराउन थालेसंगै झापामा झन पशु पाल्ने कृषकको संख्या बढेर गएको जिल्ला पशुसेवा कार्यालय झापाले जनाएको छ । बिर्तामोड नगरपालिका – ४ निवासी शशीधर हुँमागाईले पनि एक वर्षदेखि व्यवसायिक गाई पालन सुरु गर्नु भएको छ । उहाँले हुँमागाई गाई फर्म दर्ता गरेर  व्यवसायिक रुपमा गाई पाल्दै आउनु भएको छ । विदेसिने सोच बनाउनुभएका उहाँले श्रीमतीको सल्लाह बमोजिम हुँमागाई गाई फर्म दर्ता गरेर अहिले व्यवसायिक गाई पालन गर्दै आउनुभएको हो । वाणिज्य बैंकबाट ऋण लिएर झण्डै २५ लाख बढी लगानी गरेर उहाँले गाई फर्म सञ्चालन गर्नुभएको बताउनुभयो ।  उहाँको गाई फर्ममा अहिले १६ वटा उन्नत जातका गाई पाल्नुभएको छ ।  श्रीमती र छोराको सहयोगमा हुँमागाईले गाई फर्म सुरु गर्दा दूध विक्रीको समस्या आउने जनाउँदै छर छिमेकीले डर देखाएपनि अहिले उहाँलाई दूध पु¥याउन नै समस्या परिरहेको बताउनुहुन्छ । उहाँ भन्नुहुन्छ –‘विदेश जाने सोच थियो ऋण काढेर विदेश जानुभन्दा श्रीमतीले यही केही गरुँ भनिन र गाई फर्म सुरु गरे ।’ हुमागाईले थप्नुभयो  पहिला दूध नबिक्ला कि भन्ने चिन्ता थियो अहिले  गाउँलेले मागे अनुरुप दूध पु¥याउन सकिएको छैन । हुँमागाईले पालेका एउटै गाईले झण्डै वीस लिटससम्म दूध दिने गरेको र उत्त दूध गाउँमै खपत हुने गरेको उहाँको भनाई छ । पशुपालन व्यवसायबाटै हुमागाईले अहिले घर खर्च कटाएर मासिक २० हजार रुपैयाँ बढी बचत गर्ने गरेको बताउनुभयो ।

बाँकी यता >>>

चिया मजदुर ज्याला वृद्धिको माग गर्दै पुनः आन्दोलित

सुरुङ्गा ( झापा ) ८ भदौ । चिया क्षेत्रमा कार्यरत मजदुरहरु पुनः आन्दोलित भएका छन् ।

 विभिन्न ५ सूत्रीय माग राख्दै चिया वगानमा कार्यरत मजदुरहरु आन्दोलित भएका हुन् । नेलाल चिया वगान श्रमिक संघ,नेपाल कृषि तथा वगान क्षेत्र श्रमिक संघ र अखिल नेपाल चिया मजदुर संघसंग आवद्ध मेची अञ्चलका चिया वगानमा कार्यरत मजदुरहरुले श्रम ऐन २०४८ अनुसार १ वर्ष अविच्छिन्न सेवा पुरा गरेपछि स्वत स्थायी हुने व्यवस्था हुँदा    हुँदै चिया बगानमा निरन्तर लामो समयसम्म काम गरेका कामदारहरु स्थायी नगरेको र क्षेत्रफलको आधारमा प्रति १ ऐकर बराबर १ जना कामदार अनिवार्य स्थायी गरिनु पर्ने,  चिया मजदुरहरुले पाउदै आएको ज्यालाले एउटा परिवारको जिविकोर्पान गर्न सक्ने अवस्था नरहेको र अन्यक्षेत्रमा काम गर्ने कामदारहरुको भन्दा अत्यन्तै न्यून पारिक्षमिक रहेकाले  हाल खाइपाई    आएको ज्याला तथा  कारखानामा दिदै आएको अतिरिक्त भत्तामा शतप्रतिशत बृद्धि गरिनुपर्ने र चौकिदार, नाइके सरदारहरुलाई अतिरिक्त भत्ताको व्यवस्था गरिनुपर्ने लगायतका माग अघि सार्दै उनीहरु आन्दोलित भएका हुन ।

बाँकी यता >>>

महिलाको सक्रियतामा दामा खोलामा झोलुङ्गे पुल निर्माण

सुरुङ्गा(झापा) ५ भदौ । उत्तरी झापाको बुधवारे– १ का महिलाको सक्रियतामा दामा खोलामा  झोलुङ्गे पुलको निर्माण कार्य सम्पन्न भएको छ ।
 जिल्ला विकास समिति झापाको तीन लाख , वुधवारे गाउँ विकास समितिको तीन लाख तथा गैर सरकारी संस्था हेल्भेटास नेपालको समेत सहयोगमा २ प्रतिशत जनश्रमदान गरी २८ लाखको लागतमा  निर्मित पुलको उद्घाट आज गरिएको छ ।

 झोलुङ्गे पुलको उद्घाटन झापा क्षेत्र नम्वर ४ का सभाषद पे्रम गिरीले गर्नुभयो ।
पुल उद्घाटन समारोहमा बोल्दै  पुल निर्माण समितिकी अध्यक्ष यमुना चापागाईले पुलको लम्वाई ७५ मिटर रहेको बताउनुभयो । उहाँले पुल निर्माणसंगै यस क्षेत्रका ४५० भन्दा बढी घर परिवार लाभान्वित हुने बताउनुभयो ।

बाँकी यता >>>

इराकबाट फर्किएर कुखुरा पालन व्यवसाय

सुरुङ्गा (झापा) ४ भदौ । वैदेसिक रोजगारीका लागि विदेश पुग्नुभएका दुई युवाले इराकबाट फर्किएर अहिले झापामा कुखुरा पालन व्यपसाय सुरु गर्नु भएको छ ।
शिवसताक्षी नगरपालिका — ३ व्याङ्डाडाका पवन कटुवाल र धनकुट्टा निवासी पदम राईले ९० लाख रुपैयाँ लगानी गरेर कुखुरा पालन व्यवसाय सुरु गर्नु भएको हो । धन कमाउन इराकमा पुग्नुभएका कटुवाल र राईको त्यही  ५ वर्ष अगाडि चिनजान भएको बताइएको छ । इराकमा आफूले गरेको दुःख सम्झिएर विदेशमा गरिने दुःख नेपालमा पनि गरे मनग्य आम्दानी लिन सकिन्छ भनेर नेपाल फर्किएको र झापामा कुखुरा पालन व्यवसाय सुरु गरेको कटुवाल र राईको एउटै  भनाई छ ।

बाँकी यता >>>

राजगढका महिलाले खोले दूध संङ्कलन केन्द्र

सुरुङ्गा(झापा) ४ भदौ । गरिवी न्यूनीकरणका क्षेत्रमा काम गर्दै आएको दक्षिणी झापाको राजगढमा रहेको नगरिक सचेतना केन्द्र सिमलडाँगीले आजबाट दुध संङ्कलन केन्द्र सञ्चालनमा ल्याएको छ ।
जिल्ला विकास समितिको कार्यालय अन्र्तगत स्थानीय शासन तथा सामुदायिक विकास कार्यक्रम (एलजीसीडीपी)ले  तीनलाख १५ हजार रुपैयाँ अनुदान रकम उपलब्ध गराएपछि राजगढ–६ सिमलडाँगीका महिलाले दुध संङ्कलन केन्द्र सञ्चालनमा ल्याएका हुन् ।

बाँकी यता >>>