शिक्षा दिवसमा सम्मान

सुरुङ्गा(झापा) २४ भदौ ।  संघीय नेपाल समृद्धिको आधार, स्तरीय शिक्षा सबैको अधिकार भन्ने मूल नाराका जिल्ला शिक्षा समिति झापाले शुक्रवार शैक्षिक क्षेत्रमा आवद्ध व्यक्ति तथा संघ संस्थालाई सम्मान गर्दै ३८ औ अन्तराष्ट्रिय शिक्षा दिवस मनाएको छ ।

दिवसको अवसरमा  उत्कृष्ट स्रोत केन्द्रको रुपमा आदर्श मावि स्रोत केन्द्र मेचीनगर सम्मानित भएको छ । त्यसैगरी उत्कृष्ट माध्यमिक विद्यालय (सामुदायिक तर्फ) हिमालयन मा.वि. दमक र कनकाई मावि सुरुङ्गा, (संस्थागत तर्फ) सिद्धार्थ बोर्डिङ स्कूल दमक, उत्कृष्ट प्राथमिक विद्यालय तर्फ जनता प्रा.वि. कचनकवल, उत्कृष्ट आधारभूत विद्यालय तर्फ कृष्ण आधारभूत विद्यालय मेचीनगर सम्मानित भएका छन् ।

उत्कृष्ट गुरुकुलमा श्री कृष्ण द्घेपायन गुरुकुल वेद विद्याश्रम भद्रपुर , ,उत्कृष्ट मदरसामा श्री मदरसा इस्लामिया फिजुल उलुम सम्मानित भएका छन् । उत्कृष्ट सामुदायिक सिकाई केन्द्र तर्फ राजगढ सामुदायिक सिकाई केन्द्र र उत्कृष्ठ बाल क्लवको रुपमा बाल सुवोधिनी आधारभूत विद्यालयको बाल क्लव सम्मानित भएका छन् ।

यसैबीच कार्यक्रममा २०७३ सालको एसइ परीक्षामा झापामा उत्कृष्ट अंक ल्याएर उत्तीर्ण हुने विद्यार्थी  सिमरा सुवेदी, सविना भण्डारी, प्रमिला उप्रेती र पूर्णिमा तामाङ्गलाई सम्मान गरिएको थियो । त्यसैगरी २०७३ साल कै कक्षा ८ को जिल्ला स्तरीय परीक्षाबाट झापामा उत्कृष्ठ अंक ल्याएर उत्तीर्ण हुने विद्यार्थीहरु इसा साउदेन, सुरेश शर्मा, प्रवेश मिश्र, पदम कुमारी राजवंशी, पुष्कर दाहाल र नगेन बोहोरालाई नगद २ हजारसहित प्रमाण पत्रले सम्मान गरिएको थियो ।

जिल्ला समन्वय समिति झापाका प्रमुख तथा जिल्ला शिक्षा समिति झापाका अध्यक्ष सोमनाथ पोर्तेलको अध्यक्षतामा सम्पन्न कार्यक्रममा मेचीनगर नगरपालिकाका प्रमुख विमल आचार्य, उपप्रमुख मिना उप्रेती, नेपाल शिक्षक महासंघ झापाका अध्यक्ष तेजप्रसाद चौँलागाई लगायतले मन्तव्य राख्नुभएको थियो ।

कार्यक्रममा जिल्ला शिक्षा अधिकारी योगेन्द्रप्रसाद बरालले धन्यवाद ज्ञापन गर्नुभएको थियो ।

बाँकी यता >>>

उत्कृष्ट शिक्षा पत्रकारिता पुरस्कारबाट राससकर्मी भण्डारी पुरस्कृत

यसवर्षको लक्ष्मी उत्कृष्ट शिक्षा पत्रकारिता पुरस्कारबाट सुरेन्द्र भण्डारी पुरस्कृत हुनुभएको छ ।

स्वर्गीय हरिनारायण गुप्ताको स्मृतिमा स्थापित उक्त पुरस्कारबाट भण्डारी आज पुरस्कृत हुनुभएको हो  । पुरस्कृत भण्डारीलाई पूर्व शिक्षा मन्त्री गिरिराजमणि पाखेरेलले नगद पाँच हजार एक सय रुपैयाँसहित सम्मानपत्र  प्रदान गर्नुभयो ।

विगत ११ वषदेखि पत्रकारिता क्षेत्रमा क्रियाशील पत्रकार भण्डारी नेपाल पत्रकार महासंघ  झापाका सदस्य हुनुहुन्छ । उहाँलाई शिक्षा क्षेत्रमा पु¥याएको योगदानको कदर गर्दै उक्त पुरस्कार प्रदान गरिएको थियो ।

त्यस्तै विगत अढाई दशकदेखि पत्रकारिता क्षेत्रमा संलग्न रहनुभएका  यलम्बर टाइम्सका सम्पादक दिपीन राई पनि पुरस्कृत हुनुभएको छ ।

कार्यक्रममा बोल्दै पूर्व शिक्षा मन्त्री पोखरेलले  शिक्षा क्षेत्रमा देखिएका समस्या समाधानका लागि सरकार गम्भीर हुनुपर्ने बताउनुभएको छ ।

उहाँले एक्लो प्रयासमा मात्र शिक्षामा देखिएका समस्याको आमूल परिवर्तन हुन नसक्ने भएकाले शिक्षा ऐन नै संशोधन गर्दै अघि बढेको र यसलाई थप प्रभावकारी बनाउन विद्यार्थीदेखि अभिभावक, शिक्षक र सरकार नै गम्भीर बन्नुपर्ने बताउनु भएको छ ।

नीतिगत सुधार भए पनि व्यवहारमा त्यसलाई कार्यान्वयन गर्न सकिएन भने त्यसले कुनै अर्थ नराख्ने उहाँको भनाइ थियो ।

बाँकी यता >>>