सुरुङ्गा (झापा), ३२ जेठ । जङ्गली अर्नाको आक्रमणबाट आज बिहान झापाको विर्तामोडमा एक जनाको मृत्यु भएको छ भने अन्य चार जना घाइते भएका छन् ।
चारआलीको जङ्गलबाट निस्किएको अर्नाले आक्रमण गर्दा विर्तामोड नगरपालिका–९ निवासी १८ वर्षीय बोलु सतारको मृत्यु भएको र चार जना गम्भीर घाइते भएको इलाका प्रहरी कार्यालय विर्तामोडले जनाएको छ ।
अर्नाको आक्रमणबाट ५८ वर्षीय केरकेरु राजवंशी, ६० वर्षीया ललिता राजवंशी, उनकै छोरी ३० वर्षीया पूर्णिमा राजवंशी, सतार र गरामनी–७ निवासी दीपक चम्लगाईं घाइते भएको भएका छन् । घाइते चार जनाको विर्तामोडस्थित बिएन्डसी अस्पतालमा उपचार भइरहेको छ ।
