भवन निर्माण कार्य अन्तिम चरणमा

सुरुङ्गा (झापा) ३ फागुन । झापाको बिर्तामोड नगरपालिकामा निर्माणाधीन यातायात व्यवस्था कार्यालय मेचीको भवन निर्माणकार्य अन्तिम चरणमा पुगेको छ ।
नेपाल सरकारको रु एक करोड ६७ लाख ५७ हजार ६ सय ७८ रुपैयाँ २५ पैसाको लागतमा निर्माण भइरहेको तीन तले भवनको निर्माण कार्य अन्तिम चरणमा पुगेको यातायात व्यवस्था कार्यालय मेचीका प्रमुख जयकुमार घिमिरेले जानकारी दिनुभयो ।

बाँकी यता >>>

कलस यात्राबाटै ६ बालक बेपत्ता

           
सुरुङ्गा (झापा) ३ चैत । दक्षिणी झापाको चकचकीबाट  ६ जना बालक हिजो दिउसोदेखि  अचानक एकसाथ बेपत्ता भएका छन् ।
चकचकी – ४ का १२ देखि १६ वर्ष सम्मका ६ जना बालक हिजो दिउसो २ बजेबाट बेपत्ता भएको र हालसम्म फेला नपरेको जिल्ला प्रहरी कार्यालय झापाले जनाएको छ ।

बाँकी यता >>>

झापामा २१ जना अपाङ्गता भएका विद्यार्थी सहित १५ हजार ८ सय २३ जना एसएलसीमा सहभागी हुँदै

       
सुरुङ्गा (झापा) २ चैत  । चैत ५ गतेदेखि सञ्चालन हुने एसएलसी परीक्षमा झापाबाट २१ जना अपाङ्गता भएका विद्यार्थी सहित १५ हजार ८ सय २३ जना विद्यार्थी  परीक्षामा सामेल हुने भएका छन् ।
जिल्ला शिक्षा कार्यालय झापाले दिएको जानकारी अनुसार कनकाई नगरपालिकामा रहेको कन्काई माध्यमिक विद्यालय सुरुङ्गाका १३ जना सुस्त श्रवण, गरामनीमा रहेको दुर्गा माध्यमिक विद्यालय र दमकमा रहेको सरस्वती माध्यमिक विद्यालयका ८ जना विद्यार्थी सहित १५ हजार ८ सय २३ जना विद्यार्थी  परीक्षामा सामेल हुने भएका हुन् ।

बाँकी यता >>>

रिक्सा कुदाएर डाक्टर बन्ने सपना

[सुरेन्द्र भण्डारी]
बिर्तामोड, कात्तिक १५ । आर्थिक अबस्था कमजोर भएपनि आफूले रोजेको विषयमा उच्च शिक्षा हासिल गर्न सकिन्छ भन्ने उदाहरण बनेका छन्  सुनिलकुमार राजवंशी ।
मोरङको आपगाछी – ७ मा २०४६ सालमा इन्द्रलाल र उजनीदेवी राजवंशीका जेठा छोराका रुपमा जन्मिएका उनी यतिवेला बिर्तामोडमा रहेको कञ्चनजंघा इन्ष्टिच्यूट अफ हेल्थ साइन्स प्रा।लिमा ल्याव टेक्निसियन अध्ययन गर्दैछन् । आर्थिक अबस्था कमजोर भएका राजवंशीले २०६३ सालमा मोरङको वहुवन स्थित  जनता माध्यमिक विद्यालयबाट प्रवेसिका परीक्षा ९एसएलसी० उत्तीण गरेका थिए ।  आर्थिक अवस्था कमजोर भएकै कारण उनले दैनिक मजदुरी गरेर  विराटनगरमा रहेको सरस्वती उच्च माध्यमिक विद्यालयमा शिक्षा विषय लिएर प्लसटु सम्मको अध्ययन गरे । तर, त्यो भन्दा अघि अध्ययन गर्न उनलाई आर्थिक समस्याले सतायो र अध्ययनलाई निरन्तरता दिन नसकेको राजवंशी बताउँछन् ।

बाँकी यता >>>

बुढ्यौलीले छेकेन चुडाललाई

सुरुङ्गा (झापा) ३१ असोज । श्रम गर्न बुढ्यौलीले छेक्दैन भन्ने झापाको गरामनी –९ निवासी भोला चुडालले प्रमाणित गर्नु भएको छ । ६८ वर्षीय चुडालले पत्थरभिट्टामा नेपाली कागज उद्योग सञ्चालन गरेर जाँगरलाई बुढ्यौलीले छेक्दैन भन्ने प्रमाणित गर्नु भएको हो ।
घरेलु तथा साना उद्योग कार्यालय चन्द्रगढी झापामा २०६५ सालमा ज्योति नेपाली हाते कागज उद्योग दर्ता गराएर उहाँले नेपाली हाते कागज उत्पादन गर्दै आउनु भएको छ ।  चुडालले परम्परागत सीपबाट उत्पादन गरिने नेपाली हाते कागजलाई व्यवस्थित रुपले उत्पादन गर्न घरमा नै उद्योग सञ्चालन गरेपछि  उहाँलाई अहिले जीवीकोपार्जनको लागि सोही उद्योग गतिलो माध्यम बनेको छ  ।

इलाम,पाँचथर,ताप्लेजुङ्ग लगायतका पहाडी जिल्लाका  जङ्गलमा पाइने लोक्ता, अर्गेली, सिक्रे जस्ता वनस्पतिबाट उत्पादन गरिने हाते कागजको माग दिनानुदिन बढेपछि कच्चा पर्दाथ ताप्लेजुङ्गबाट झिकाएर हाते कागज उत्पादन गर्ने गरेको चुडालले बताउनु भयो ।  जसबाट चुडालले  खर्च कटाएर मासिक ५० हजार माथि आयआर्जन गर्ने गरेको जानकारी दिनुभयो ।

बाँकी यता >>>

झापामा केराखेती घट्तै

 
सुरुङ्गा (झापा) १४ कात्तिक ।  व्यवसायिक केरा खेतीका लागि निक्कै प्रख्यात छ झापा ।   तर, पछिल्लो समय मजदुर अभाव र रोगका कारण झापाका अधिकांश कृषकले यो व्यवसाय छाड्दै गइरहेका छन् ।

 २०६० सालबाट दक्षिणी झापाको घेरावारीका कृषक डम्वर पाहिमले रोएष्ट्र नामक उन्नत जातका केरा १० विगाह क्षेत्रफलमा लगाएर झापामा व्यवसायिक रुपमा  केरा खेतीको सुरुवात गरिएको थियो । तर, केरामा डढुवा र गवारो रोगको प्रकोप बढेको र गाउँका अधिकांश युवा विदेश पलायन भएकाले झापामा अहिले यो  व्यवसाय लोपउन्मुख जस्तै भएको जिल्ला कृषि विकास कार्यालय झापाका प्राविधिक सहायक वुलुराम राजवंशीले बताउनु भयो ।

बाँकी यता >>>